頭條戲場丨《旺卡》笑住散場的可愛糖水系電影

先恭喜Timothée Chalamet憑《旺卡》入圍金球獎「音樂/喜劇類最佳男主角」，跟Nicolas Cage及Joaquin Phoenix爭影帝。屬温暖治癒系電影，講述Tim仔飾演的Willy Wonka是一位偉大的朱古力發明家，因為媽媽的遺言，「永遠不要放棄自己的夢想。」又本住甜品能帶給人幸福，努力在已被大財團壟斷的小鎮，艱苦地爭取賣朱古力。超勵志童話配上夢幻場景，有童真但唔幼稚，內心講咗過萬次，「好得意呀。」最重要被Timothée冧足全程，用朱古力救世嘅電影都唔使深究劇情啦，全片可可愛愛，好耐未試過笑住散場。(剛上映) 撰文:廖思慧

Tim仔越大越油膩，但呢套戲令佢重回正軌。

Wonka同小矮人由仇家變朋友，後者真係好得意。

唔夠大財團玩要敗走，Wonka好彩有小矮人陪住走。

導演揀Tim仔演Wonka，因為覺得佢「氣質非凡，感覺他像是從另一個次元來的人。」導演完全講出我心聲，基本上睇Tim仔甜笑已經好享受，仲要唱歌加跳舞，雖然唔算動聽，據知拍攝前要進行4個月聲樂指導和表演方式研討，又要不斷排舞兼記對白，Fans慮鏡下加咗幾萬分。

表白隆巴小矮人
電影有勁多大星參與，金像影后Olivia Colman、金像提名女星Sally Hawkins、艾美獎得獎男星Keegan-Michael Key、《戇豆先生》Rowan Atkinson及金球獎最佳男主角Hugh Grant等。當中以Hugh Grant飾演的綠髮橙皮膚隆巴小矮人最驚喜，基本上一出場就有笑聲，聽佢手舞足蹈唱Oompa Loompa歌，話咁快入晒腦，所有小矮人嘅配件都好得意，希望之後會出Figure啦。

Olivia Colman演賓館及洗衣店老闆Mrs Scrubitt，衰人一名。

Rowan Atkinson飾演Father Julius，為朱古力做壞事。

Keegan-Michael Key飾演局長，為狂食朱古力跟壞人同流合污。

女主角Noodle由 Calah Lane飾演，聰明好多鬼主意。

電影畫面靚、景靚，連朱古力都好有心思，劇組搵嚟朱古力大師Gabriella Cugno製作數百種不同風味的朱古力，基本上演員在Wonka朱古力工廠食嘅花同葉都真係可以吞落肚。而Wonka的signature朱古力亦相當過癮，包括食完會在半空飄浮，以俄羅斯小丑的悲歡淚醃製的焦糖所製成的飄浮朱古力，及濃縮雷雨雲加上液態陽光製成的靈光一閃朱古力，食完會助你從絕望中看到一線曙光，咦，呢粒真心想買喎。

全片有好多歌舞場面，歌曲唔算太動聽但畫面搭夠。

因為Wonka的表演太吸引，朱古力又好食所以被大財團憎恨。

戲中的過癮朱古力，有飄浮朱古力（左一)及靈光一閃朱古力（右一)。

【超可愛角色海報】：

世上最偉大的魔術師、發明家和朱古力製作師。

小矮人身高約十八寸，橙色皮膚，一頭閃亮綠髮，專門在夜闌人靜時偷走wonka的朱古力。

在潔白賓館及洗衣店打工，長期吃盡苦頭的女侍應生Noodle。

Paterson Joseph飾演Slugworth,是個驕傲自信的朱古力製造商。

Mathew Baynton飾演Fickelgruber ,一聽到個「窮」字就會作嘔。

Matt Lucas飾演Prodnose ,又蠢又無情。

Mrs Scrubitt 係超勢利小人,愛飲氈酒

Tom Davis飾演Bleacher,最鍾意拖住愛犬搵水魚。

Father Julius抗拒唔到朱古力誘惑,容許不公事發生

【WONKA的神奇朱古力】：

飄浮朱古力Hoverchoc ，是最純正的旺卡朱古力、由棉花糖（取自秘魯錦葵）、焦糖（以俄羅斯小丑的悲歡淚醃製）和櫻桃（日本天皇御苑手採櫻桃）製成。內有細細隻懸浮蒼蠅，能讓消費者飄浮在空中！

靈光一閃Silver Lining，由濃縮雷雨雲加上液態陽光製成，助你從絕望中看到一線曙光。但有輕微副作用，食咗會成日講個「吓」字。

狂歡夜Big Night Out ，外層是香檳松露，中段有白酒味，後勁是紅酒味，然後，就是讓人盡情歌舞的一層威士忌軟心糖（注意：可能會引發極端情緒和魯莽行為），最後是陳年砵酒，促進深度睡眠。

長頸鹿奶馬卡龍Giraffe Milk Macaroon,以長頸鹿蒸餾奶製成，讓你恢復熱情，自我感覺達到高峰，拋開一切恐懼。

熱舞百老匯Forty Second Sweet ，讓您開心唱跳無止境。

生髮閃電泡芙Hair Repair Éclair,由馬尼拉山區產地直送的香草粉製成，含一滴雪怪汗水，可促進毛囊極速、濃密生長。

金合歡薄荷糖 Acacia Mint，令長頸鹿心情變好的朱古力！

《星島頭條》新網站有更多精彩內容：http://www.stheadline.com/