新聞女王丨前主播方健儀因一原因同「Man姐」撞樣 自爆因身材差被委派隆胸放蛇
TVB台慶劇《新聞女王》上周一（20日）首播後受全城關注，不單成為網民的討論熱話，甚至連真‧主播亦加入討論行列，飾演「Man姐」的佘詩曼，更加是話題人物，在討論區獲洗版式留言，她的主播Tone亦被讚好：「佢應該練咗好耐，真係報導得十足方健儀咁樣」主播出身的方健儀，昨晚（27日）在FB開live，解開大家的疑團！
【相關閱讀】：新聞女王丨有線主播竟在辦公室開電視追劇！ 網民激讚佘詩曼演技報新聞似方健儀
【點擊睇佘詩曼方健儀造型】：
方健儀昨晚（27日）在FB開live，穿上白色外套兼短髮造型的方健儀，與《新聞女王》的「Man姐」造型近似，她笑說：「因為我今日（27日）做司儀套衫係類似泰山裝，所以咪熨好呢件褸，帶定去着，我熨好晒又冇着過，覺得好嘥，所以咪留番做live嗰陣着。呢排好多朋友私訊或者留言問我，係好有趣嘅事，好老實講，我真係冇睇過，因為我咳到七彩失咗聲，如果冇嘢搞就會瞓覺休息。」有網民留言稱方健儀現時的髮型與劇中「Man姐」一樣，方健儀笑笑口說：「其實認識我嘅朋友，都知呢個髮型都keep咗好幾年時間，其實我嘅髮型師都認識Man姐嘅化妝師，而Man姐嘅化妝師其實係我結婚時用嘅化妝師，大家都係好熟嘅朋友，我哋個圈子好細，好多嘢係有趣。」
【點擊睇方健儀離開主播行列轉變】：
期間方健儀亦有分享當年做無綫新聞採訪的工作，笑言自己認識丈夫最難忘是一次「放蛇」行動：「呢單新聞真係好好笑，嗰陣叫做有少少經驗，唔使喺記者嘅基礎功度做起，有一日消委會話收到啲投訴，有人因為用咗『PAAG』嘅物料隆胸而有副作用，總採訪主任可能覺得我身材比較差，揀咗我去深圳『放蛇』隆胸，嗰陣我好乖，好少反抗，好多人話我個樣好似好霸氣，同而家嘅電視劇好似，我其實完全唔係，我係好乖嘅一個人，老闆叫我做咩就做咩囉，總之我哋有底線，就係犯法嘢一定唔做。」方健儀續說：「嗰陣有個美容師，我同假扮男朋友嘅攝影師一齊上房，成個過程好順暢，可能因為我身材差，結果嗰單新聞好順利，唔使半個鐘就拎晒啲料。」