玩转脑朋友2丨大脑总部惨被装修负面情绪涌入配合青春期「阿焦」率先登场

2015年迪士尼与彼思推出《玩转脑朋友》叫好叫座，将抽象的人类情绪实体化，一班「脑朋友」阿乐、阿愁、阿惊、阿燥及阿憎伴住11岁女生Riley成长，感动又好笑，整喊唔少观众。「玩转粉」应该好记得Riley最后喺冰球场上遇到个男仔，明显一见钟情，情绪总部嘅大控制器，即刻加咗个「青春期」按键，等咗8年，终于有续集。TEXT:廖思慧

《玩转脑朋友2》下年暑假有得睇

《玩转脑朋友2》讲述Riley踏入13岁即开始面对青春期，大脑总部突然响起警号，清拆队闯入，大脑总部无啦啦被装修，控制台变橙色之余亦加入更多按钮，留意返，橙色即跟阿焦的颜色一样，无错，阿焦 (Anxiety)就系新登场嘅脑朋友，佢外观好得意，但一开口就好配合佢个名，见佢一抽二掕地带了六箱行李，更透露并非一支公，睇海报就知，新脑朋友会陆续登场，睇嚟大脑总部将有一场腥风血雨嘅大事发生。