不正常愛情研究所丨髮型師爆行內秘聞！疑似有當紅男歌手撻着靚女髮型師
由麥惠琪（Susuca）、文頌男（Koba）及 3位 J2ers 黃紫恩（Jojo）、陳國麟（Doniven）、胡敏芝（Karen）擔任主持的《不正常愛情研究所》，在今晚播出的一集請來在金鐘任職的專業髮型師 Hikii，他在節目上大爆遇過有藝人跟髮型師愛上了的故事：「係髮型師女仔同男 Artist。」在幾經追問下，Hikii稱男歌手的名字只有兩個字，惹來大家無限聯想！
【相關文章】：姜濤傳搭上御用髮型師後首開腔 黑底白字壓力疑瀕臨爆煲：我快要爆發了！
【點擊睇姜濤傳緋聞事件】：
今集「有故事的人」請來在金鐘任職的專業髮型師 Hikii，他不單大爆有同行認識了闊太後忽然富貴，更揞名爆有現役當紅男歌手，疑似與靚女髮型師日久生情。事緣 Hikii 被問到有否遇過藝人跟髮型師愛上了的故事，Hikii 聞言霸氣回應：「一定有！因為感情嘅嘢好難控制。」言談間Hikii聲稱是近期的事：「係髮型師女仔同男 Artist。（有冇貼士？）都幾紅，歌手嚟架。」談到事件中的女髮型師，Hikii 補充謂：「行內出名架，佢絕對靚嘅。」由於分享內容花生，Hikii 遭主持圍攻要求進一步貼士，Hikii 故弄玄虛一輪後拋出了這樣一個貼士：「兩個字」，令全場為之嘩然。
姜濤曾被傳與御用女髮型師發展地下情
事有湊巧，人氣王姜濤在今年7月被傳與御用女髮型師發展地下情逾1年，有報導指，今年三月兩人到日本工作，報導指當時姜濤為女友慶生，期間吻賀女友時被粉絲拍下照片，更稱姜濤公司高層即以高價「買斷」相片，其後姜濤在IG限時動態以黑底白字回應，揚言被滿嘴污衊壓得透不氣來！而經理人花姐隨後亦在IG限時動態留言疑似回應事件，她留言說：「大家唔好再為一啲失實報導而擔心同勞氣。」
黃紫恩自爆遭到髮型師掃胸
另一方面，黃紫恩在節目上亦自爆在大學時間，遭到髮型師掃胸，她憶述時仍忿忿不平︰「有位朋友嘅朋友係髮型師，話會 sponsor 我哋一班女仔剪頭髮。第一次上去嘅感覺已經唔舒服，正常梳長頭髮時，都會拉離身梳同剪，佢係貼住掃晒成個胸口。畀佢整咗一下，第二下我就彈開話『太貼喇』。」不過事件還未完，當 Jojo 以為該髮型師會收手，豈料臨尾剪完，他兩隻手再在胸前掃多一次，在場各人表現憤慨，認為已構成非禮罪，Jojo 無奈說︰「佢明顯係慣犯，唔係第一次咁做，完全做得好自然。」