Coffee林芊妤34岁生日老公囝囝送环保蛋糕纸制手枪 发长文怨感到麻木要改变
Coffee林芊妤早前经常外游，去完东京又去布吉之后，又与37岁澳洲籍的马来西亚华人丈夫翟志荣，带同囝囝翟德彦（伯伯）一同到澳洲探老爷奶奶，更在当地与粉丝见面一同做瑜伽。早前他们已返港，林芊妤近日更迎来34岁生日，获不少好友送赠鲜花及蛋糕庆祝，谁知家中两父子却毫无表示，令她大为伤心。
【相关阅读】：张致恒派安全套赚奶粉钱获圈中人鼓励 Coffee林芊妤：做好榜样给小朋友看
【点击睇Coffee林芊妤生日收大惊喜】：
林芊妤气得以「大胆」为题，记录自己生日，她透露囝囝伯伯竟指：「哎呀我唔记得左（咗）」，老公则冷淡指：「有人送左（咗）蛋糕俾你啦？」林芊妤即发长文抱怨：「算啦我都系注定俾佢地虾，又或者佢地知道我根本就唔care，知道我有佢地（哋）身边就够，一定系，我被睇穿了……不过彦彦之后忙左（咗）成晚，原来佢临急抱佛脚整咗份礼物俾我😬」虽然获赠伯伯亲手制的「I love you枪」似乎不大满意，林芊妤仍表示：「喂多谢晒㖞，不过点都好过大𠮶个👨🏻⋯我既（嘅）人生#个蛋糕重复使用咗三次😂#好环保呀正#多谢gemmamiyo赐我蛋糕」！
结局神反转大萤幕见祝福片
本来很失望的林芊妤之后上载12点同老公迎接生日的短片，一家三口去食串烧庆祝，又称：「同老公宁静地过12点」，似乎扭完两父子耳仔后已消气。不过，原来在正日生日当日，她在铜锣湾按摩完步出店外即看见商场大萤幕播出的惊喜，原来好友与囝囝伯伯拍了一段祝她生日快乐的片段送给她，令林芊妤在街上失控狂笑，尤其见到伯伯时更笑到见牙唔见眼，又获好友在街头举牌「示爱」。
林芊妤收到这大惊喜，完全逆转了之前的失望，并写道：「点解会咁嘅？唔怪之得约我生日正日下午去铜锣湾按摩啦，唔怪之得系咁叫我唔好按头啦（虽然都按咗…好油呀），唔怪之得无啦啦话要我陪佢哋去饮绿茶啦，唔怪之得Sandy要去车度拎啲嘢先啦，唔怪之得Kwan Kwan之前捉我个仔落街拍嘢啦。呢件事要由合作伙伴+同事+朋友+家人先搞得掂，所以我成日同我老公讲『而家好多人好锡我所以我放过你你休息吓』、『如果迟啲冇人锡我你就要做多啲嘢架（㗎）啦ok?』。痴（黐）线架（㗎）😭，系咪我前世做咗啲咩好事，我实在太受宠若惊啦！多谢Miyo姐今日又送多个生日蛋糕，多谢Sandy姐特登走去订咗个牌，仲要喺条咁多人既（嘅）街度咁样拎出嚟，多谢所有有参与呢件事嘅人呀so sweet！讲真…系有少少少少感动到我既（嘅），Love you all！」
重新注满能量的林芊妤更称要有所改变，因她数个月前开始发现自己对甚么事都感到麻木，无论做甚么事都感觉不到兴奋和喜悦，现决定要改正过来，尝试在工作和家庭外留一些空间给自己，要照顾住在自己内心的小女孩，更为自己打气称：「我值得被爱」！