79岁冯素波潮玩IG与儿子有关 自认欠缺演戏天份早年生活充满怨气
79岁冯素（波姐）自2022年12月底开了IG帐户后，掌握「流量密码」的她几乎成为网民热捧对象。日前冯素波接受TVB娱乐新闻台节目《星光路上》的访问，原来当日开IG帐户，背后原因是因为他的儿子：「其实我唔系玩，呢个系我哋嘅联络，只要佢见到我有影相上去，佢就会好安心。」
【相关阅读】：冯素波晒「最强绿叶团」饭聚照掀网民竞猜 有卡拉之星仲有杀人王
【点击睇冯素波与儿子合照】：
童星出身的冯素波，来自演艺世家，爸爸是著名影星冯峰，七弟是演员冯克安，九妹冯宝宝一度是红透半边天的童星。冯素波在访问上谦虚称自己对演戏没有天份：「𠮶阵屋企好穷，我爸爸妈妈又一早离咗婚，我爸爸去咗新加坡𠮶边揾钱，到我5岁嘅时候，我爸爸返咗嚟香港，拍咗套《细路祥》，我完全冇谂过大个咗会喺呢行做咁耐，不过做咗之后系钟意。」虽然冯素波最爱做粤剧，但最后选择了做时代曲歌手：「𠮶阵我唱夜总会系现成有人工，晚晚咪去唱歌，不过𠮶阵都好多怨疾，成日谂几时唔使唱，但系我系带住几个细佬妹，人哋食饭我就换衫返工，全街静晒，我就收工返屋企。」
揾到钱但生活很大怨气
因为这原因，冯素波坦言当时有很大怨气：「𠮶阵就算揾到钱都唔开心，拎返屋企个个都丰衣足食，细佬妹未致于话好多学问，但起码乜都识，反而我自己乜都唔识。」到了1993年，当时冯素波拍《马场大亨》开始喜欢阅读：「只要唔系爱情小说就得，因为我觉得人生系冇爱情，虽然我结婚二次，但系都未拍过拖，系我爸爸有病，咪冲喜结婚。」当时与第一任丈夫因性格不合而分开，失婚后前往加拿大散心，跟苏文雄一拍即合更结为夫妇，婚后40年恩爱依旧，直到早年丈夫因心脏病爆血管不幸离世，回想当年的婚姻生活，冯素波做了妈妈后，有一段时间成为「归家娘」：「𠮶阵好似好安定，得闲同啲朋友打牌，又扮靓去饮吓茶食吓饭，过咗几年呢种生活，就觉得好无聊，积蓄又越用越冇。」
与囝囝保持联系
冯素波辗转间又再做幕前工作，开始演妈妈、嫲嫲的角色，近年又因为「Anson波」令事业有一个新转变，主持问冯素波儿子有否劝她停下来？冯素波哈哈地笑说：「梗系唔会，佢话见到我有活动就安心，我除咗病先会留喺屋企，所以佢返屋企见到我就好惊。」
冯素波又坦言当日开IG帐户，背后原因是因为他的儿子：「其实我唔系玩，呢个系我哋嘅联络，只要佢见到我有影相上去，佢就会好安心。」不过冯素波早年曾经历一场大病，有一次身体检查照出大肠有肿瘤，胆亦塞满胆石，幸好手术后康复得很顺利。经历过后，冯素波觉得做人不单只是自己开心，最好是做完一件事，大家都会开心，她坦言目前接job不理会budget：「最紧要系𠮶件事成功，做到出嚟有效果，先至系人生嘅budget。」