47岁滕丽名罕谈老公相识求婚经过 拍拖迟到45分钟讲足10年做一事补获即冧爆

现年45岁的滕丽名在1995年因新秀而入行，多年拍过不少剧集，创造多个经典角色，虽然工作发展顺利，但早年情路尚算坎坷，曾两度遇上负心男，幸好经朋友介绍结识Mr.Right，在2013年与金融才俊男友朱建昆结婚。向来将感情低调的滕丽名，日前在虾头与连诗雅主持的YouTube节目《丝打围炉》访问，罕有地谈到两夫妇的感情状况。

【相关文章】：滕丽名两遭出轨无辜做郭政鸿第三者 坎坷过后觅得好老公47岁生日激罕放闪

【点击睇滕丽名分享与老公拍拖甜蜜事】：

向来给予人一种性格刚烈的滕丽名，在节目上谈到老公的时候，不时露出甜爆的笑容，提到当年两人相识经过，滕丽名笑说：「如果𠮶个男人对你有兴趣嘅话，佢剩系唔会同你讲嘢，而呢样嘢系吸引到我嘅注意，𠮶阵佢派卡片，剩系唔派畀我一个，我唔明佢点解唔派畀我？究竟发生咗乜事？」她又称后来在朋友间的聚会，间中会见到老公的出现，慢慢发展了感情。

滕丽名还说自己向来喜爱「man啲」的男人：「我钟意人有好多唔同嘅嗜好，佢唔好样样都识少少，但系之后就唔做。样样都识啲就会觉得好man，会崇拜佢，就算佢好凶狠，我都会好崇拜佢，我老公最吸引我嘅地方，佢一个好冷静嘅人，发生乜嘢事都可以好冷静，呢一点我系好佩服佢。我记得曾经有人讲过，一对好夫妻，如果可以维系得好，系个老公好冷静，个老婆会比较刚烈，呢段关系就会相处好融洽，我老公嘅情绪控制得好好，呢样系几欣赏佢，而且佢又好多嗜好，我唔使担心佢会闷！」

拍拖冇花收

滕丽名又自爆在拍拖期间，连花都甚少送：「呢样嘢反而系结咗婚之后先有，拍拖𠮶阵最惊天动地系试过迟到45分钟，呢样讲到而家都仲讲紧，系好难忘！」两个主持再追问相识到求婚经过，滕丽名最初笑称「爆咁多，我老公会杀咗我」，但后来都大方分享：「除咗迟到45分钟外，𠮶阵佢系揾咗间日本餐厅，个老板见我一个人坐喺度咁耐，咪安排咗间房畀我，我一个人坐咗喺一面，当佢到咗之后，做咗一个举动令到我呆咗。」原来她的老公夹了一件寿司给她：「𠮶一刻你会谂食唔食呀？最后我系输咗，咪就系咁囉，呢招真系好犀利。」