獨家丨TVB藝人李思雅High爆拍片又自拍 帶埋男友睇姜濤尾場Show

上周六，姜濤演唱會尾場，Do姐、毛舜筠捧場之外，仲有TVB的馬海倫帶埋《愛．回家之開心速遞》的李芷晴及鍾晴入場，有指李芷晴上載演唱會片段到IG Story，但火速Del，口痕網友擔心三人安全，事後李芷晴回應︰「 Story 24小時就冇咗係好正常。」寸爆網民唔識玩IG。其實參加過2005年港姐，曾主持《體育世界》，亦是TVB藝人的李思雅（Cindy）亦有入場，係咁拍片之餘，仲放咗7條片上IG Story，放足24個鐘冇Del，都話網民成日惟恐天下不亂。採訪:金泰亨
 

姜濤演唱會評價極好。

 

尾場有DO姐及毛姐捧場。

 

尾場仲請到偶像小豬做嘉賓。

 

馬海倫帶埋《愛．回家之開心速遞》的李芷晴及鍾晴入場。

 

37歲的李思雅出身於運動世家，曾是前香港女子網球代表隊成員，加入TVB後，一直主持《體育世界》至2018年停播。工作量唔多，主持過2020年東京奧運，近年主力打Golf同參加慈善Golf比賽，睇佢IG有大量同張頴康、陳展鵬及鄧梓峰嘅賽後合照。

TVB藝人李思雅。

 

加入TVB後，一直主持《體育世界》。

 

跟DO姐主持2020東京奧運。

 

主持東奧。

 

當年余德丞仲喺TVB。

 

同任達華一齊出席慈善活動。

 

同林敏驄及陳展鵬等打完GOLF比賽。

 

參加05年港姐入行。

 

運動員身形。

 

睇演唱會真係好忙
姜濤演唱會尾場，Cindy帶埋男友Joe入場，前者係姜糖，因為見佢口噏噏，首首歌都識唱，後者就一定唔係，因為佢坐到蟻咬咁成日周圍望，至中段索性企住聽，投入度最多40%。相信好多姜糖睇姜仔演唱會都好忙，因為要影相啦要拍片啦又要唱歌啦，Cindy都一樣，見佢首首歌都拍吓片、影吓個大螢幕，又會向後拍吓舉牌嘅姜糖，同埋不時同男友玩自拍及玩互拍，即係用演唱中嘅姜仔做景點，姜仔開Show咁盛事，當然要多角度影低珍藏啦，明白嘅。

另外，Ansonbean的細佬Ian係姜濤演唱會Dancer，因為同阿哥真係好似樣，所以一睇大螢幕就認到佢。
 

影吓姜糖。

 

男友會攬住女友睇SHOW。

 

男友視角下的Cindy投入睇Show。

 

睇姜仔唱歌的確好難忍住唔拍低佢。

 

睇睇吓演唱會,兩人玩自拍。

 

場Show尾聲,李思雅同男友跟大隊企住睇。

 

玩互拍,你拍我我又拍吓你。

 

尾場姜仔搵到偶像小豬做嘉賓，Cindy上載片段到IG。

 

Cindy 的 IG Story。

 

男友JOE及CINDY。

 

兩人拍拖4年依然甜蜜。

 

 

Ansonbean細佬Ian跳得好落力。

 

姜仔唱《蒙著嘴說愛你》時畀咪Ian唱兩句。

 

Ian同肥仔。

 

《星島頭條》新網站有更多精彩內容：http://www.stheadline.com/