Tyson Yoshi搭港鐵做Gym搭到變街坊 計劃去外國開騷順便放假

歌手Tyson Yoshi、林愷倫（Karencici）、柯棨棋（77Ke）今晚在灣仔海傍為「維港水上音樂會」擔任嘉賓。雖然Tyson Yoshi身穿背心現身，但他就笑指因剛放完假肥了一點，所以待會不會除衫，Tyson Yoshi指首次在船上演出，覺得頗有創意。

【相關閱讀】：Tyson Yoshi爆女友遊泰撞鬼超恐怖 大方回應Christy比堅尼晒火辣身材

問到Tyson Yoshi是否想在沙灘唱歌，他聽後即表示不想：「上次去捧Jeffrey（魏浚笙）場，覺得沙就唔好，有啲驚，去曬太陽通常會揀石灘，唔會揀沙灘，因為覺得啲沙好污糟，純粹個人感覺。」Tyson Yoshi笑言因頭髮顏色及紋身已很少出外玩，問到是否曾被人認出受騷擾，他指沒有，自己粉絲大多很理性，最多被認出後對方要求影合照，又笑言現時因經常搭港鐵去做gym已搭到變街坊。

提到工作，Tyson Yoshi指工作會忙到年底，現時忙於搞去年演唱會DVD，除此之外，亦正傾談海外演出：「上次去完英國，如再去都唔抗拒，有fans留言話澳洲，都想試吓，可能細細哋幾百人，當做嘢然後又放假。」Tyson Yoshi笑言上次生日放假時，因問同事工作就被鬧：「真係幾矛盾，冇嘢做又覺得幾悶。」另外，Tyson Yoshi早前自爆被司機認錯是MC張天賦，他就笑指覺得自己與對方不似。