破毒強人丨胡定欣拎銀紙當床單兼抹面拜金味濃 躺地狂騷S形線條
TVB新劇《破毒強人》雲集陳豪、胡定欣、蕭正楠、張曦雯、何廣沛、張寶兒、蔣志光、朱智賢、郭柏妍及馬貫東等好戲之人，昨晚（7月31日）首集開播已張力十足，獲網民讚有電影感。昨晚可謂由頭帶到尾的陳豪，除了刻意將聲線變沙啞外，其角色是否真患上末期癌症亦引發熱議。
【相關閱讀】：獎門人丨林夏薇晒纖腰白滑靚背派福利 蕭正楠咀朱智賢秒縮跪低
【點擊睇《破毒強人》精彩劇照】：
劇集甫開始是全身被插滿針筒的葉浩天（蕭正楠飾），眼神既迷幻又空洞地躺在地上，配以蕭正楠獨白：「我望住我個靈魂一直向上飄，愈飄愈高」及鏡頭角度，甚有戲味。之後劇情以「一代毒王」文華（陳豪飾）為主線，集中交代角色人物及背景，時間點更不斷遊走於現在及過去，剪接及鋪排均見心思。
蕭正楠被打毒針夠搶
昨晚劇情講述文華12年前因被最信任的手下（實為臥底）葉浩天出賣，過了多年牢獄生涯，獄中看似重新做人的文華，證實患上末期肺癌。同一時間，當年與文華並肩作戰的福田（蔣志光飾）看似過着平凡生活，但仍有染指毒品生意的他及後捲入毒品證物失竊案並引發連串風波，毒品調查科高級督察 Jackie（張曦雯飾）下屬陳子波（韋家雄飾）為關鍵人物。劇集去到尾段再承接回劇集起點，原來當年葉浩天因臥底身份曝光，被文華施以打毒針酷刑。
蕭正楠受訪時透露為了昨晚Overdose（服藥過量）一幕花盡心思，並直認深刻難忘：「當時傾咗好耐場戲應該點做、眼神應該係點，我覺得嗰時個人應該失禁，所以同導演講話加啲失禁嘅畫面，但原來倒濕晒條褲、瞓喺廠嘅地板度係好凍，因為嗰時係冬天、又吹住大冷氣，再加上我就算劇組執燈、執機位我都盡量唔郁瞓番喺個地度，個地板係凍到我不停打冷震。」蕭正楠續指就是這種「打冷震」狀態讓他更能投入角色：「反而我覺得正喎，我就係需要呢種感覺。啲工作人員問我使唔使畀啲暖手嘢我，我全部話唔使，仲話你由我震得啦，我自己一路震、一路震，變相roll機時就好易掌握到個狀態。」
胡定欣大擺S形甫士
至於陳豪的造型、尤其是入獄前的造型則獲網民大讚好有型，又懷疑肺癌只是文華獲取假釋手段：「陳豪Close Up嗰吓，『你係差人呀？』，拍得好有型」、「阿Mo型到」、「個造型好有型」。至於與陳豪有不少對手戲的張寶兒則獲讚演技自然。
除了首集劇情內容，片頭主題曲亦拍得相當有型有款，當中飾演貪錢章琳的胡定欣，不但肉緊地拿着鈔票在臉上亂舞，更躺在大堆錢上大擺S身形，相當吸睛。她受訪時亦坦言很滿意拍出來的效果：「完全突顯到章琳同金錢嘅關係，感覺似同錢Make Love。金錢就係章琳嘅毒品，佢唯一想要同需要嘅就係金錢。拍攝過程都順利，最緊要有美感！」
【其他文章】：
破毒強人丨張寶兒陀B六個月未計劃停工 陳豪胡定欣再做反派嗌過癮
破毒強人丨蔣志光現身宣傳「告別作」 去年約滿想轉換環境做音樂
TVB節目巡禮2023丨陳豪陳茵媺激咀戲首度曝光 袁偉豪計劃以特別形式公佈BB性別