独家丨韦罗莎吓亲唔再任《造星》导师 吴海昕羡慕193转数快又够癫

由韦罗莎（Rosa）、吴海昕（Sofiee）、胡丽英、ERROR成员郭嘉骏（193）、白只、朱栢谦和「阿卵」杨伟伦演出的舞台剧《Laugh Vacation》将于10月27日上演。剧中一人分饰多角，做开舞台剧的Rosa及胡丽英觉得冇难度，前者认为做《造星V》导师难得多，所以试咗一次就够；Sofiee嫌自己太闷，想变得癫啲。采访：方骞平 摄影：罗安强 发型及服装：Ray Mork、Eas Fu@AdmiX Hair Styling、LOEWE、Levi’s (韦罗莎及胡丽英) 化妆及服装：Lu Gary Athena Kitty @Lumakeup.me；Onki Lau、Maje(吴海昕) 造型：PIPA Creative(吴海昕)

舞台剧经验唔多嘅吴海昕望跟前辈韦罗莎、胡丽英学习。

 

 

Rosa认为做《造星V》导师体验一次就够。

 

Sofiee嫌自己太正直太闷。

 

胡丽英有丰富舞台剧经验。

 

Rosa想专注做返舞台剧。

 

Sofiee想变得癫啲。

 

胡丽英认为做舞台剧冇难度。

 

爆笑舞台剧《Laugh Vacation》反应热烈，已火速加开6场，共演16场。剧中讲述经历半世纪的酒店要结业，一班奇形怪状、充满住压抑的城市人在酒店「最后一夜」check in后，解放他们的贪婪、欲望、好奇、自我满足和精神，并以不同方法去宣泄，胡闹得来唔低俗。

爆笑舞台剧《Laugh Vacation》于10月27日公演，现加开6场，共演16场。

 

剧中Rosa也会饰演多角。

 

佩服193零包袱

演开正剧及主持人的Sofiee嫌自己太乖、太闷及太认真，好期待跟一班喜剧演员合作，令自己变得癫啲，「虽然冇同193合作过，但睇过《花姐ERROR游》，佩服佢可以冇包袱演出，而且193转数快，个人九唔搭八好乱嚟，又百厌，好好呀，相反我太正经喇，好值得向佢学习。」

Sofiee大赞拍档193九唔搭八，合作应有火花。

 

Sofiee钟意睇《花姐ERROR游》节目。

 

Sofiee同老友苏皓儿刚去完蒙古旅行。

 

Sofiee曾挑战5度公演嘅舞台剧《二人餐》。

 

至于Rosa及胡丽英都要一人演多角唔会有压力，后者指此情况在舞台剧经常发生；Rosa认为场口分得好就冇问题。问到Rosa任《全民造星V》导师难定做舞台剧难？她认为是两回事：「因为从未试过以导师身份做电视节目先接受挑战，对住班囝囝近半年，投放心神帮佢哋做想做嘅嘢，虽然预咗有人唔喜欢，但拍咗几个钟，出街节目仅得一粒钟，大家经历嘅同眼睇系两个世界，冇得解释，大家有自己角度，我只能接受埋个节目，呢个系好特别、好正嘅经历，但唔得喇，经历过一次就够，真系thank you very much，都系继续做返舞台剧。」

Rosa任《全民造星V》导师被批评系咁喊。

 

Rosa为班囝囝尽心尽力半年，坦白真系攰。

 

Rosa用心照顾家人。

 

Rosa对班《造星》囝囝好有爱。

 

拍住冯允谦任《造星V》的蓝组导师。