黃宗澤堅拒借出「老婆」寧犧牲自己被任摸 對婚姻零憧憬：可以冇下一代
黃宗澤自從與胡杏兒分手後，名草一直未有主，近日黃宗澤現身蝦頭及連詩雅的網上節目《絲打圍佬》的訪問，他被蝦頭取笑雖然他未有老婆，但反而有很多「車嘅老婆」，愛車如命的黃宗澤向來鍾情古董車，他更直言：「我啲車其他人係唔揸得，揸我就絕對得！」
【相關閱讀】：黃宗澤花過百萬重新裝修餐廳再開張 揸古董跑車到場任由粉絲打卡
【點擊睇黃宗澤靚車】：
黃宗澤有「黃三歲」之稱，皆因他的性格有如大細路，不單愛看卡通片叮噹，而且又愛玩玩具：「我細個最自己喺屋企玩車，我一出世父母已經離咗婚，細個阿爸每個星期六或日就帶我出去食飯，經過玩具舖仲唔報仇呀？我阿媽係唔會買玩具畀我，我咪要求爸爸買架車或者玩具。」直到長大後，黃宗澤變得愛車如命，不過他不太愛超級跑車，反而特別鍾情古董車，看到古董車就會「流晒口水」！
黃宗澤又稱自己完全不容許有損傷，如果朋友上古董車，一定會叫他們非常小心，甚至親身指導坐姿：「我會先佢哋咁樣（臂部）坐落去，再抬起腳，慢慢放落嚟，就唔會造成任何損傷！」他自爆收藏了有八架車，其中最貴的汽車價錢高達300萬：「有幾架係古董車，有啲用嚟開工嘅車，亦都架車揸咗十年唔捨得唔要，我記得第一駕架古董車係MG，大約10萬左右，試過喺中環遮打道古董車展示一次，不過呢駕架已經賣走咗。最貴唔係最鍾意嗰架，最貴大約300萬啦，但有一架係唔知佢而家升到幾多錢，因為不斷咁升緊。」
對結婚生仔沒有特別憧憬
黃宗澤亦稱如果另一半都喜歡車，當然是開心：「因為有共同嘅嗜好，唔會阻止你買車，但係因為保險問題，係可以揸啲古董車，（揸其他車呢？）揸我就絕對得！」不過即使有令自己心動的女孩出再現，首要要得到黃媽媽准許：「首先個性開朗，孝順，獨立，絕對唔可以太黐身，都唔可以太嬌！但係佢要接受我嘅排位，因為我朋友不嬲都係排第一！」
黃宗澤又表示對結婚生仔沒有特別憧憬：「我可以冇小朋友，冇下一代，我之前朋友介紹買乜鬼年金，我話買乜鬼，臨死之前使鬼晒啲錢咪得囉！可能係單親家庭少少影響，未出世就已經單親，去到小學先見番我老竇，媽咪去打工，有時去阿姨住、舅母住，又或者去阿婆度住，所以冇家庭嘅感覺，我覺得咁樣幾開心，我又習慣一個人，阿媽出去打工，放低錢畀我自己喺屋企，乜都自己一個。」如果真的有女友出現，他說：「我會同佢傾，可以一齊生活，但唔一定要小朋友，不過我對愛情嘅渴望好低，有就有冇就冇，冇得夾硬嚟，當然有時夜闌人靜都會渴望吓嘅，曾經叫朋友介紹啲女仔嚟，但一係唔啱，一係連佢哋都冇識到新朋友。」