独家丨周奕玮力推平到喊250蚊OMAKASE 《周游关西》搜罗CP值高好去处抢收视

「日本通」周奕玮（Jarvis）主持新一辑旅游节目《周游关西》，他坦言疫情后世界改变咗好多，冇晒抢衫放题、同师奶斗抢虾等有趣元素，变相增加拍摄难度，不过，团队仍然艰苦搜罗CP值高嘅好玩、好食去处，继续贴地游日本。采访：方骞平 摄影：谭志光 场地：Velo Italian Bar & Grill

周奕玮未知几时再拍《周游》系列，观众要好好珍惜。

 

周奕玮主持嘅旅游节目好受欢迎。

 

因为搜集嘅题材贴地。

 

Jarvis多才多艺。

 

周奕玮系个出色嘅主持人。

 

打从2018年《周游东京》到最新的《周游关西》，《周游》系列成为周奕玮招牌作品，年轻观众Like爆他推介的过瘾打卡点，旅游节目如一本会郁的旅游天书，不过Jarvis坦言受疫情影响，今辑玩法唔同咗，除于大城市取景，亦会加入和歌山深度游，对他来说都算挑战。

2018年拍《周游东京》时，Jarvis喺100秒内用100日圆任抢名牌衫。

 

又试过挤进师奶中抢虾。

 

Jarvis喺2018年拍《周游东京》在居酒屋识到两个日本索女。

 

《周游关西》节目如一本会郁的旅游天书。

 

今辑玩法唔同咗，除于大城市取景，亦会加入和歌山深度游。

 

 

但仍有地道美食推介。

 

唔做「亲生仔」宁要自由度

至于《周游》系列最受欢迎的美食推介环节，继续有好嘢介绍：「喺大阪有间平民寿司店，4500日圆(约250港元)食到OMAKASE 15件手握寿司；仲有碟碟300日圆(约16港元)嘅炉端烧，狂食带子、原条烧鱼，食咗几十碟都只系几千日圆，推翻咗炉端烧好贵嘅睇法，最重要由职人主理，不论烧烤时间及味道都啱啱好；另外在大阪银座食割烹料理，厨师发办10道菜收15000日圆(约836港元)，算是食得最贵，但比起怀石料理及会席料理平一截，CP值高。」

4500日圆平食OMAKASE寿司。

 

海胆满满嘅寿司好吸引呀。

 

超抵OMAKASE寿司，睇落质素都唔差。

 

节目中「放毒」。

 

店名：鮨ひろ 地址：大阪府大阪市浪速区恵美须西3-2-6

 

300日圆均一价炉端烧，即点即烧海鲜大餐。

 

店名：炉ばた焼 网众 地址：大阪府大阪市北区中崎西2-2-6

 

一向给人感觉，炉端烧系贵价料理。

 

海鲜好新鲜。

 

原条烧鱼只系300日元。

 

全店最贵只有烧大虾，系600日元。

 

「割烹」十品料理 店名：小西 地址：大阪府大阪市北区堂岛1-3-34 第2京松ビル 2F

 

曾被形容为郑裕玲接班人，获力捧做金牌司仪的Jarvis同TVB关系有变，由「亲生仔」变返基本合约艺员，他解释其实冇特别原因：「只系想多啲自由度，做多啲想做嘅旅游嘢，其实只系合约模式改变咗，我依然喺TVB幕前出现。(唔怕公司将最好嘅机会留畀「亲生仔」？)尽力做好自己先，唔谂得咁多。」

Jarvis被指为郑裕玲接班人，主持过唔少大骚。

 

 

 

都系娱乐新闻节目主持。

 

周奕玮、陈嘉慧曾赴日取景拍《请1日假去旅行》。

 

周奕玮与陈嘉慧主持旅游节目《请1日假去旅行》。

 

立刻点击投票👉🏻https://tinyurl.com/38dfzwtv