一舞倾城丨李婉华突发开Live直斥王晶对人不对事：做人要对得住自己
日前李婉华、杜挺豪、林子博日前在直播网台节目《豪华博客》讨论王晶监制的TVB剧集《一舞倾城》剧情教坏细路，不断强调「卖处」，其后王晶在微博留言反击李婉华：「我一向很少为自己作品的被评论辩解，但这两天看到竟找了一个过气四线，一个走路（佬）黄丝十八线来批评，我激到笑！」今日李婉华等人突发开直播，直斥王晶对人不对事：「我对佢今次嘅反应好失望，好失望，真系非常之失望，痛心疾首，完全好难接受。」
【其他文章】：一舞倾城丨李婉华怒斥「教坏细路」 王晶反击过气四线：TVB屎戏之王
【点击睇李婉华反击】：
目前身在香港的李婉华，表示当时在鸭寮街行街时收到知道此事，最初笑笑口说：「我好敬老，尊重前辈，话晒佢揾我拍过戏，原来佢话我啲戏咁屎，我仲以为自己演得好好。我好似拍过2、3套，唔记得喇，因为我败走温哥华，不过系人都知我系移民，唔系败走。」她再三强调系评论其剧集，而不是评论王晶个人： 「我哋不嬲都好理智，系讲紧件事，而唔系佢套戏，其实佢有冇听架？我不知几尊重佢，对于香港电影咁有贡献，拍过无数电影，喜欢唔喜欢都系有做过，钟唔钟意睇就见仁见智啦！」
强调系针对剧情
李婉华认为王晶并不理性：「我哋系对事，佢系对人，唔好嬲，锡番先。」接着与林子麦异口同声地称没有评论过监制、导演甚至TVB：「只系纯粹讲套戏，针对播放时间，因为𠮶个系合家欢时间，呢套剧唔系好适合喺呢个时段出现。」李婉华表示看到「卖处 」剧情，就觉得要发表意见作出批评：「我唔系集集睇，只系咁啱睇到𠮶个剧情，觉得好有问题，对社会有啲伤风化。你觉得有娱乐性咩？系低级趣味，而家摆喺电视台， 系冇人有得选择，最多咪熄机，其实系影响埋间电视台。我冇针对过边个，我又唔知边个写，唔知边监制，唔知晶哥喺呢套戏嘅角色系啲乜嘢，只系睇到剧情，我作为家长，喺大气电波睇到剩系一个『卖处』讲咗10几分钟，不停无限loop，我只系讲呢样嘢，点解唔可以讲？我只系针对呢个所谓嘅剧情，系唔应该摆喺电视台。」
个女唔明咩叫『卖处』呀？
李婉华又说：「我个女睇完电视就用半咸半淡中文问『妈咪，咩叫『卖处』呀？点解阿妈要喊住卖处呀？」点样讲呀？解释完畀佢听都唔明，呢段戏真系好有问题。」林子博亦反问本身在内地有拍剧的王晶，这桥段在内地有是否可以上映？李婉华深表认同：「而家我哋国家对社会责任睇得好紧，好以严打失德演员，我觉得做人要对得住自己，本来我都唔系针对佢（王晶），但系而家佢咁样闹人，真系唔得㖞，自己冇control。我哋完全冇谂过要人身攻击佢，我对佢今次嘅反应好失望，好失望，真系非常之失望，痛心疾首，完全好难接受。」