「億萬駙馬」伍富橋新婚一周年出招冧老婆 送新歌放閃：可能係我最鍾意嘅single cover！
《超級巨聲4》出身的伍富橋（Alvin）在去年與富貴女友Shirley結婚後，升呢做「億萬駙馬」，婚後與太太展開蜜月之旅行，先後去過泰國、英國、瑞士及荷蘭，最後以日本作為蜜月的尾站，生活果然富泰！近日伍富橋不時在社交平台貼上與太太補拍婚照的相片，原來一切都玄機，他趁着兩人結婚一周年，推出新歌《很多很多份之一》，MV在今晚（8日）首播，MV的女主角，當然是太太Shirley！伍富橋對上一次推出新歌，已經係2020年的事，他推出完《不知道妳的好》後，已經有一段時間未有再推出，伍富橋在IG限時動態亦有出PO宣傳今次的新歌並留言說：「呢張可能係我最鍾意嘅single cover！」而今次的cover相，正是與太太的婚照，但Shirley接受傳媒訪問時，竟然覺得老公為自己出歌覺得好煩厭！
【點擊睇伍富橋《很多很多份之一》冧爆畫面】：
其實伍富橋同Shirley婚姻生活都有很多新意，例如在今年婚後第一個過的情人節，Shirley在IG限時動態出PO，揚言慶祝情人節的方法就是：「換個屋企住下！」結果兩人竟然罕有地搭廉航直抵清邁的兩層樓高豪宅！伍富橋亦不時為太太下廚，結果搞到自己都變得幸福肥！Shirley接受傳媒訪問時，竟然覺得老公為自己出歌覺得好煩厭！原來她煩厭的地方，是不忍老公被人覺得消費婚姻，事實上早在兩未相識時，公司已經表示會為他出歌，但最後一拖再拖，直到婚後他突然之間好想寫首歌送給自己，所以便這首歌的出現，Shirley又稱：「咁佢鍾意唱歌，無論唱得好唔好聽，作為佢老婆我都支持佢嘅，呢個就係我嘅睇法，無感動。」
因為兩人結婚時正值是疫情高峯期，於是註冊地方揀選在Shirley相思灣的家中、雙方家長的見證下，由律師為二人證婚，但兩人未有計劃補擺喜酒，希望留待結婚十周年再大搞，重提兩人拍拖僅半年就認定對方，Shirley笑說：「因為我覺得要喺你最愛嘅時候，好任性咁做咗佢，咁結婚嘅時候就係最開心同浪漫，咁佢都好認同我，純粹係我哋兩個咁諗，無咩好實質嘅理由。」因為大家的想法相同，兩人均很享受新婚的生活。