44岁廖碧儿两个字颓爆总结感情现况 「有狗仔，屋企大」难揾新恋情

现年44岁的廖碧儿近早年曾与刘恺威、陈豪等拍拖，近年廖碧儿淡出幕前，主力发展红酒生意。最近她在YouTube频道上载新片，提到正在忙于学业及酒吧生意外，身为单身盛女的她又大谈感情观、对爱情的憧憬，还大爆昔日拍《妙手仁心III》时，曾经情绪崩溃，喊到唞唔到气。

【相关阅读】：廖碧儿大方传授品酒技巧最紧要有演技 唔识饮都要扮得够Pro 网民赞动静可爱又搞笑

【点击睇廖碧儿讲感情】：

廖碧儿在片段开始已大谈感情现况：「好多人话我好男人，所以我好爱自己，比较爽真，所以……冇啊。」至于对爱情还有无憧憬，廖碧儿坦言：「去到而家呢个阶段，我觉得最紧要享受，因为我做咗呢行都一段时间，𠮶阵唔识锡自己，自从我十几年前整亲条腰，改变咗我嘅睇法。」她透露当时拍动作戏，因为怕麻烦别人，不用替身、不用试戏；后来腰部受伤卧床良久才开始反思。

廖碧儿表示：「喺呢个过程就觉得，系咪揾一个人你钟意、你需求嘅，揾一个靓仔？好多人问我有咩要求，其实去到呢一刻不系要求。第一，要锡自己先，当然揾到个人锡你as who you are，呢个先系最重要。同埋我呢个年纪同埋经历都已经系咁样，我又有狗仔，我屋企又大，要一个人爱晒你成个package都唔容易，所以呢个唔系要求，我觉得系顺其自然。」她还坦言自己5岁已经想生小朋友：「但去到廿几岁读紧书都想有小朋友，但选美后搬嚟香港就狂做嘢冇谂。我哋做呢行，又未揾到对象，都冇时间去栽培一段感情。呢个都系一种责任，所以我选择养狗仔，都系一个学习过程。

新片中廖碧儿亦提到拍戏往事，坦言中文一向都差，开始拍《皆大欢喜》时辛苦大家，后来拍《妙手仁心III》有一场喊戏令她印象难忙：「我𠮶阵现实同Daddy一齐住，感情好亲密；戏入面同Daddy感情好唔得，憎到佢飞起。我投入咗角色，因为我Daddy同我对剧本，我会对佢发脾气，闹埋佢一份，𠮶8个月令我真实同Daddy关系都好差。戏入面我Daddy过身我先知唔系佢错，我睇错咗成件事。」

后来父女和好的戏份，廖碧儿直指当时喊到崩溃：「我第一次喊到停唔到，佢哋要揾厂入面啲救护人员入嚟，因为我唞唔到戏，𠮶阵陈锦鸿喺隔篱都赶过嚟。我停唔到，扯气到就嚟晕，成件事大家停咗三个钟。」廖碧儿透露当时返到屋企见到父亲立即爆喊，她又指现在没见爸爸已经三年，更一度讲到落泪。廖碧儿在新片中透露自己最近忙于做酒吧生意外，亦正在修读硕士课程，日前又拍节目，生活非常忙碌。