独家丨《新四十二章》史颖乔人工四位数呻唔易挨 航空界啲人好假拒再做空姐

两年多前曾参加过TVB《冲上云霄大选》的前空姐史颖乔（Clementine)，于新剧《新四十二章》中饰演龚嘉欣好友，因为戏份不少而获网民关注。不过，评语却好坏参半，赞佢古灵精怪好得意，同时又指她大细眼严重，更质疑她整容失败，Clementine笑言冇钱整容，还暗示月入唔够5位数。 采访：方骞平 化妆：joeymakeupatelier

史颖乔首次接受传媒访问有点战战兢兢。

 

新剧中评语却好坏参半。

 

Clementine笑言冇钱整容。

 

网民赞她赞古灵精怪好得意。

 

史颖乔暗示月入唔够5位数。

 

「夏竹姫」是史颖乔入行以来最重戏份的角色，跟女主角龚嘉欣多对手戏，开拍前Clementine紧张到瞓唔著，最难忘奉旨摸嘉欣个胸的一场：「我唔够胆摸呀！系佢帮我完成，先捉我只手放落去感受吓，剧组话我帮咗好多宅男完成佢哋嘅愿望，拍呢场戏好开心。」

新剧中饰演龚嘉欣好友，对方亦系佢偶像。

 

跟女主角龚嘉欣多对手戏。

 

演技未到家搞到大细眼
不过，Clementine坦言因为唔识走位，曾被导演严厉指正，她强调受教：「作为新人冇乜演戏经验有好大进步空间，闹你代表冇放弃晒你，否则闹嚟都嘥气，所以闹乜内容我冇放入心，唔记得喇…入行前做空姐面皮会薄啲，𠵱家开始习惯，以前份工文化同𠵱家唔同，啲阿姐会笑骑骑然后…但呢行啲人真诚好多，完全系对事唔对人。」就算开关后航空业复苏，Clementine无意重返，当年都系想四围游历才做空姐，一直唔打算长做。

曾喺《爱·回家之开心速递》中演女明星「Michelle」。

 

Clementine受监制陈维冠重用，刚拍完《罗密欧与祝英台》。

 

两年多前曾参加过TVB《冲上云霄大选》，当时被封「翻版梁咏琪」。

 

Clementine做过一年空姐，喺疫市下被裁。

 

网民指她大细眼严重，质疑整容失败。

 

26岁的史颖乔是中大中国研究系硕士，虽然父母反对她做艺人，但她坚持揾工以兴趣行先，坦言两年来都系入不敷支：「第一年仲有积储冇乜感觉，第2年开始Feel到有压力，食得䶢鱼抵得渴唯有揾其他嘢帮补，睇吓顶得几耐，预咗追梦过程系辛苦。」问到月入系咪冇5位数(过万)时？她笑住默认：「始终仲系新，应该会愈做愈好。有时心态抽离啲谂，学似孔子学生颜回咁，体验现代版『安贫乐道』，都系一个有趣嘅体验。」至于被指严重大细眼，她批评演技未到家，面部表情用力过度所致，所以会留意返。

史颖乔系中大中国研究系硕士，拥有高学历。

 

当年选科亦以兴趣行先。

 

《星岛头条》APP经已推出最新版本，请立即更新，浏览更精彩内容：http://www.stheadline.com/