东张西望丨私影名师疑性骚扰案再有受害者！袁姓港姐影半裸相被揽腰 另一女星遭托胸

《东张西望》今晚（17日）继续跟进一宗私影名师疑性骚扰私影模特儿事件，这名摄影师「G先生」昨日因涉嫌非礼及非法拍摄或观察私密部位被捕，案件交由东区警区重案组跟进。今日再有新进展，今集找来曾经在2015年开始与「G先生」合作的林先生，大爆对方独特的摄影做法，受害人不单止有女模特儿，还有一位袁姓港姐遭殃。
【相关文章】：

东张西望丨私影名师疑借免费餐约女模  性骚扰要求「真空」张开腿情节AV

【点击睇节目内容】：

当时林先生筹备一本生活杂志，因而在网上认识「G先生」，两人在合作期间，林先生发现对方有一些很独特的做法：「佢好得意，每一次我叫佢报价畀我，佢就问我有冇靓女模特儿先，佢仲好强调一定要『靓女』模特儿，我就话唔知『靓女』嘅定义，咁我就send咗啲模特儿卡畀佢睇，佢要拣，要由佢主导去拣，佢自己私底下同啲模特儿拎咗联络，就会叫模特儿另外揾一日上去佢嘅studio度影，仲有建议啲模特儿不除衫畀佢影，帮佢影一辑裸照，影得好啲，咪可以做一个collection。」他续说：「之后有个鬼模特儿，系佢啲朋友嘅男性朋友当中，收到呢啲相，就觉得呢个摄影师有问题。」

问题事件越揭越多，林先生仲爆咗另一个惊人事件：「之前佢都摸过某啲女明星，影相𠮶阵摸过人哋个胸，有一个女明星，系港姐，有一次换衫𠮶阵，佢就唔觉意触碰到𠮶个女明星嘅胸部，托一托。另一个比较出名啲模特儿，都有上门去过佢嘅studio度影半裸相，但系之后好激气，喺啲朋友群组入面讲，受到佢嘅性骚扰，坐喺佢嘅studio𠮶度下底影，𠮶阵系坐喺度喇，叫个女明星双手护住个胸，跷住只手，但系摄影师唔知点解走到佢后面，就揽住佢条腰。」林先生跟住仲话：「唔知点解佢见到啲女明星会越企越埋，袁小姐就走嚟同我讲：『呢个系你个FD嚟架？你可唔可以叫佢行开啲？越企越埋咁样』，连袁小姐都出声。」

 【点击睇私影名师疑性骚扰案前情提要】：

「东张女神」Maggie（梁敏巧）都试过在社交网叫收到「G先生」的讯息：「佢系喺旧6月，喺IG度揾我，我唔知点解佢会揾我，可能我喺IG度有同唔同嘅摄影师有合作影相，可能因为咁佢先嚟揾我。佢揾我嘅时候，话系想影啲时尚美容嘅相，系for佢一啲profile，不过因为夹唔到时间，所以最后系冇影到。」Maggie话报道出街后，亦有些相熟的摄影师联络她：「佢哋同我讲番呢个摄影师嘅相关经历，听完之后，好庆幸𠮶阵冇答应去影。」

后来林先生更称「G先生」之前亦试过因为涉嫌非礼而被捕：「佢有一次漏夜打畀我，问我可唔可以保释佢，我咪问佢嘢事，佢就话有人见到佢摸另一个人嘅女人嘅pat pat，所以咪畀人拉咗。佢喺行内都拎过好多摄影大奖，呢样真，咁佢影相都有一手，但系唔代表可以非礼人哋。」