THIS IS MC丨张天赋尾场Encore泪崩红馆 喉咙红肿坚持负责任死顶唱下去

 MC张天赋一连三场《 THIS IS MC 》红馆演唱会，昨晚终于完满结束，头两场没有安歌的MC，昨晚终于安歌最后一曲 《给缺席的人唱首歌》，用作献给天上的父亲，中途一度泣不成声，歌迷亦跟着他落泪，场面感人。

【点击睇MC演唱会精彩演出】：

演唱会来到尾场，MC大年初一先跟观众拜年，恭祝大家新年快乐，身体健康、心想事成，毫不留力唱到尽的MC，全晚MC都大丰收，期间不断跟观众握手收利是、收礼物，唱《反对无效》时，几架超级市场手推车，由「吉」车出场，到歌曲完毕，就像去完超市买嘢一样，三架车堆满歌迷的利是及礼物，全场气氛欢乐万分。年三十晚MC请来Jay Fung做嘉宾，昨晚(年初一)则请来了古巨基，两人合唱《自我安慰》，MC指基仔是他儿时听得最多歌及学习唱歌技巧的对象，所以自己人生的第一个红馆演唱会，不能没有对方，不过MC在台上跟基仔说起儿时往事时 ，就十分搞笑，不断自爆以前自己如何于网上下载歌曲，「系我人生听歌旅程里面，我成日上网down….」基仔闻言即帮他「兜」: 「 你上网听到好听，就买，再转落个电脑到呀…？」MC : 「系啦…转落电脑到….我用mp4 机….我刚刚开始钟意音乐，唔知有咩好听，所以一次过咩都download晒…..」

观众大笑MC再次漏口网上download歌，基仔再帮佢兜都兜唔到，MC唯有傻笑直认：「哈哈….大家唔好学我，要支持正版音乐，一定要购买！我𠮶阵唔系咁富有，环境未咁许可，所以咩都照听啦，当时听得最多就系基仔嘅歌，好多假音，唱歌技巧上面，我好多都系抄基仔学唱歌， 系模彷过程中，基仔系其中一个最多嘅对象，所以MC 唱歌生涯必需有古巨基呢个人！」基仔笑道，「新年快乐、身体健康！好多谢你咁钟意我嘅音乐，我要俾利是你，古太话摆咗喺我个袋….」接着基仔忙乱找利是，「我人生第一次做嘅事呀，系喺红馆台上派利是，希望你愈唱愈劲，期待你以后一次又一次演唱会！好开心可以做你嘉宾， 我哋认识一年多，见到一个好钟意唱歌嘅人，由busking 唱到红馆，系一个好励志嘅故事。MC，你哋新一代歌手，系我心目中系好叻，啲人讲边个系边个接班人，我觉得接班人好老土，唔好讲接唔接班啦，其实新一代做音乐好叻嘅朋友，你哋已经创造咗一个音乐新时代，冇任何接唔接班，加油啦！」语毕获得全场掌声欢呼声。

【点击睇MC演唱会嘉宾精彩演出】：

MC唱最后一首歌《时侯不早》，坦言非常之不舍得，「前几日因为一直好担心声音状态，好想向每一位观众负责任，今日终于放下心头大石，同埋比我想像中，原来大压力好多….」继而他已经开始忍不住落泪，「我会成日质疑自己，质疑自己，死啦….对唔对得住呢班观众，我值唔值得系红馆开呢个骚，我谂咗好耐，但系我叫自己要坚强，一喊我把声就冇咁好，所以每次都忍住忍住。系你哋话畀我听，我系值㗎！我喺到祝每一位都身体健康，心想事成，未来日子有我嘅歌陪伴你哋，继续支持我，希望将来有更多歌可以做安歌环节，希望下一次演唱会，唔会系前一日出歌，希望到时大家都识得唱，同我一齐唱。」而唱了几句后，MC因为忍不住狂泻下来的泪水，泣不成声，现场歌迷即时全场大合唱为他补上，场面充满爱及感人，更有不少歌迷陪着他一起抹眼泪。

完场后，观众不肯离去，不停大叫安歌，最终MC再次升台，他感动一再多谢大家支持，继而解释前两晚为甚么没有安歌原因，「咁多晚冇安歌，我系台下面，听到大家系到叫安歌，其实好心痛，请原谅我，因为我好怕声音状态未系最好，我又好担心唔早啲休息，会影响第二日表现。我又冇咁多歌….今晚最后一晚，我拣咗呢首歌，希望达到歌嘅意思，留畀心入面𠮶个人，送俾大家《给缺席的人唱首歌》」MC亦唱到一半，再次泣不成声，场面感人。