萬千星輝2022.前哨戰｜陳瀅神秘中空對戰「閃石胸」唐詩詠 蔣家旻靠反骨妝搶fo
一年一度的盛事《萬千星輝頒獎典禮2022》將於周日（8日）舉行，日前有份提名藝人為官方場刊拍攝宣傳照。今年《萬千星輝頒獎典禮》女主角、女角色、女配角及女飛躍十強競爭激烈，在「女主角」及「女角色」組別中均呼聲甚高的陳瀅，拍攝當日準備了兩套戰衣亮相，除了《美麗戰場》Style的華麗戰鬥格晚裝外，另一襲「神秘中空」設計的貼身超短花裙更是別具「心」思！憑劇《超能使者》提名「女主角」的唐詩詠，其胸前的華麗閃石點綴相當搶焦，性感之餘亦格外雍容華貴。還有憑「反骨琪」成為「女配角」大熱的蔣家旻亦以奇招增添勝算，她笑言是化妝師的主意：「最近我化妝師幫我化妝，叫我keep住『反骨琪』，我好少好smoky eyes，佢亦都唔係好想我用黑色，我哋用咗啡色眼影。所以最近見我嘅妝容都係偏向反骨啲，好似台慶啦、影頒獎禮場刊啦。」
【點撃睇「最佳女主角」十強名單】：
【點撃睇「最佳女配角」十強名單】：
【點撃睇「最受歡迎電視女角色」十強名單】：
【點撃睇「飛躍進步女藝員」十強名單】：
今年劉佩玥（Moon）及郭柏妍（Rosita）同樣是大豐收，前者分別憑《美麗戰場》提名「女主角及女角色」獎，後者則憑《下流上車族》提名女角色及女配角獎，二人又齊齊殺入女飛躍提名，阿Moon更拍住《美麗戰場》中的戰友林盛斌提名「電視拍檔」獎項，2022年對她來說絕對是大豐收年，為隆重其事，阿Moon先後以三大亮麗造型拍攝場刊，既有性感高貴風格，亦有青春可愛路綫。另一位有份提名「女配角」的麥美恩，一身高衩透視閃耀晚裝令其美好身段若隱若現，對於平時走開搞笑路線的美恩來說，絕對是一大突破和驚喜。
其實今年「女飛躍」絕對競爭激烈，除了有不少港姐級人馬及新面孔外，還有歌唱界實力者—炎明熹（Gigi）及JW王灝兒，二人拍攝場刊時亦同樣帶來驚喜。首先是出名搞笑的Gigi，埋位拍照時即九秒九進入Cool爆Mode；至於JW除了以極低調的透視裝上陣外，更擺出「瞓身」甫，盡顯盡地一鋪爭獎的決心。