李嘉欣旧访问翻hit罕谈与大刘恋情 自认单纯认做第三者曾伤害宝咏琴
富商「大刘」刘銮雄前日（3日）开记者会否认与吕丽君复合，更对往事有问必答，当中谈及旧爱李嘉欣更是爆出不少秘闻，如2006年登报贺李嘉欣生日原来另有内情，以及商场The ONE亦非为李嘉欣而命名等。记者会上的言论令刘銮雄与李嘉欣的往事再次成为全城焦点，连带李嘉欣2006年作客《志云饭局》谈及刘銮雄的片段亦翻Hit。
【相关阅读】：李嘉欣17年前谈刘銮雄片翻Hit 称辗转得知旧爱登报贺生日：鼓励佢同传媒讲
【点击睇李嘉欣2006年谈及刘銮雄】：
李嘉欣当年于节目中除了回应刘銮雄登报贺她生日外，亦她大方透露分手原因，她坦言自己只接受一夫一妻，「至少我系觉得，如果你讲到咁钟意我，点会之后仲有人出现啫！我接受唔到。」但当主持陈志云问到拍拖时是否知道刘銮雄的花心性格，李嘉欣表示：「因为佢𠮶阵时讲得好好听，你知我单纯呀嘛，我亦都当咗系真。但发现唔系嘅时候，咪唔想再纠缠。」
当年有传李嘉欣曾致电刘銮雄首任妻子宝咏琴，求对方让出刘銮雄，李嘉欣澄清没有此事：「我唔会做呢啲咁样嘅事，当时我同佢（刘銮雄）嘅关系之中，有冇伤害到其他人呢？一定有，我当时冇理到……我好相信呢段爱情，我投入其中，亦都唔理得咁多，但喺我之后佢有其他女朋友，我觉得大家谂法唔一样。」
谈到一直被外界指介入刘銮雄与宝咏琴的婚姻，她表示：「系咪第三者，我只会承认……如果你要咁样讲嘅话，我会承认我喺同刘生嘅关系中，我系伤害咗佢当时嘅太太。但系我只会负上一半责任囉，因为仲有𠮶一半系我亦都好深信当时佢（刘銮雄）讲嘅嘢，之后我冇觉得我做过任何人嘅第三者。」至于李嘉欣经历过陷入第三者疑云，会否与有妇之夫保持距离，她坦言会更小心：「有埋文件证明佢已经离咗婚，但报导唔系咁写，我谂我而家会好小心去衡量。」
【点击逐句重温睇大刘记者会「十大金句」如何句句有骨讲到好劳气】：