独家丨蒋祖曼获黎耀祥耐心教佢喊 分享智叔育儿心得勿标签小朋友

37岁「独立电影女皇」蒋祖曼（Joman）近年转投TVB，新剧《轻.功》更首做女一，受公司力捧。Joman形容今次是考牌之作，除跟「视帝」老窦黎耀祥有唔少对手戏外，又要「扯火」闹人，亦有喊戏，故剧集播出前令她相当紧张：「好彩算系过到关，唯独好多人评论我太恶死。」采访：方骞平

蒋祖曼首做女一紧张咗半年，最担心表现唔够好。

 

蒋祖曼本身系温柔妈妈及好后母。

 

蒋祖曼庆幸有前辈「教路」演戏。

 

Joman能事业和家庭两兼顾。

 

蒋祖曼感谢获黎耀祥耐心教佢拍喊戏。

 

对被指太恶死，Joman就有话要说：「其实系角色性格设定，为咗要有反差嚟突显个角色。原先我演绎咗个关怀版，但监制唔收货，连祥哥及龚姐(龚慈恩)都叫我放胆大闹，唔使咁善良，因为好多仔女就系咁㗎…」她回忆返首次「闹爆」祥哥时，她吓到声到震埋，好唔惯。

黎耀祥叮嘱Joman放胆闹佢。

 

网民批评她戏中太恶死。

 

前辈教路好幸福

不过，Joman庆幸有前辈「教路」，觉得系一件幸福嘅事，尤其自己少眼泪，拍喊戏会有难度：「我有请教祥哥点样先可以喊到得心应手？佢好耐心教路，反过嚟安慰我，『唔使咁紧张，就算佢人生经历比我丰富几多，谂到唔开心嘅嘢会容易喊一啲，但都要时间准备。』」

自言少眼泪嘅Joman，拍喊戏系挑战。

 

拍《轻.功》期间演员轮住生日，录影厂不时开大食会。

 

现实中的Joman系好妈妈及好后母，除非子女触碰到底线，她才会严肃发恶：「继子Day仔今年经已16岁，我同佢相处就似戏中『细佬』朱敏瀚咁，作为父母沟通关怀好重要，但要尊重佢想法，如果佢太听我话就会冇咗自己，唔会有进步，我赞成智叔(廖启智)生前同我分享嘅育儿心得，唔好标签小朋友系曳，而将佢定性为好动及充满好奇心。」目前Joman事业和家庭两兼顾，工作带给她好大成功感，唔想畀佢停，仲想拍吓古装剧，她表示目前收入一定好过以前，至少唔使系咁等机会。

戏中Joman跟细佬朱敏瀚，有啲似同16岁继子Day仔嘅相处。

 

戏中Joman跟细佬朱敏瀚，有啲似同16岁继子Day仔嘅相处。

 

两母女关系好好。

 

剧集《铁探》中Joman为咗个粉红色发型染发26次，更被黑社会大佬当众掌掴及侮辱。

 

Joman 07年拍电影《鬼网》，以前成日等机会收入唔稳定。

 

蒋祖曼分享智叔育儿心得勿标签小朋友。

 

蒋家旻拍戏期间冇时停唔嫌攰。

 

蒋祖曼希望能拍唔同角色。