霆锋再骚厨艺15秒快刀切葱　网民批似幼稚园学生乜都斗一餐

「厨神」谢霆锋早前拍摄内地饮食节大骚惊人厨艺，被网民疯狂流传，其「搣蕉」绝技吸引网民模仿，引起一片热话。他昨晚于Facebook上载段片大骚厨艺，片段所见，霆锋以15秒极速快刀切葱，切完更例牌乌低身欣赏一番，得知以15秒切完葱之后，他好像不太满意，「15秒呀?有冇搞错」。

有网民指，霆锋切葱求快不求质，「原来唔洗理粗幼架?!咁我一头一尾各一刀，一秒就切完噜」。自称有资深厨房经验的网民直指，霆锋斗快似幼稚园学生，更指出他手势不正宗，「作为一个做左10年厨房嘅麻甩佬，先唔理你切得又大又细又切唔断，手势错，吊手切野，之前啲抛镬片又错，唔怪得你话手痛，然后，以咁既速度切野你觉得可以keep到几多个钟?」他续指「砧板师父开工切到收工咁滞，咁样切玩唔玩到半粒钟，唔好再拍啲咁嘅片啦，完全系一个幼稚园学生咁乜叉都斗一餐。