TVB新劇又穿崩？ 胡杏兒被強姦膠布「唔連戲」

無?新劇《巾幗梟雄之諜血長天》今星期終於上場，視帝黎耀祥繼續參演，不過劇本與柴九無關係，沒了鄧萃雯，換來胡杏兒，觀眾到底接唔接受呢？不過接不接受一件事，第二集就講到杏兒被日軍強姦，之後痛不欲生，被黎耀祥救回，勸杏兒努力報仇，但被觀眾發現兩個鏡頭「唔連戲」，明明講杏兒遍體鱗傷，臉上貼有膠布，但下一秒完美白滑肌膚迅速重生。

《諜血長天》播出，有網民就覺得隔太耐，難以延續《巾幗梟雄》的戲癮，不過香港人總是愛邊鬧邊看，今次劇本講30年代末日軍侵華，杏兒飾演張寄生，父親、弟弟在她面前被日軍槍殺，黎耀祥做游擊隊隊長江尚紅，從日軍手上救了杏兒。

日前劇集就講到杏兒被日軍隊長強姦，掙扎之餘又被人打，結果手要包紗布，面又貼膠布，想死又被黎耀祥救回。但視帝成功勸服杏兒唔好死，留返條命同日軍報復，還帶她到墳場找父親和弟弟的墳墓，不過有眼利網民一眼睇出「穿崩位」，明明視帝勸杏兒時仲有貼膠布，但去到墳場「青靚白淨」，膠布同紗布無份出場。

話說今次視帝都有金句，上次有一句「人生有幾多個十年」，這幾集就爆了幾句「你有勇氣去死，為什麼沒勇氣生存下去？」、「你死了笑的是東洋鬼子，痛苦的是我們中國人」，不過受不受落見仁見智。