名古屋亞運‧男排｜港隊不敵越南分組3連敗轉戰名次賽 隊長袁思偉指球隊輸在關鍵分能力

香港男子排球隊於愛知名古屋亞運，於C組最後一場以局數1:3不敵越南，三戰全敗小組第四名轉戰名次賽。港隊隊長袁思偉賽後坦言未能達到賽前贏兩場的目標，但以一支業餘隊對戰其他國家隊表現已經不錯，之後希望在名次賽可以取得一場勝仗。
港隊今仗面對越南以20:25、20:25連輸兩局，到第三局雙方比方一直拉緊，港隊後段多次進攻得手以25:23搶回一局，追近至1:2。可惜，第四局港隊於末段被越南連番得分再輸20:25，局數1:3落敗。

目標小組贏兩場

港隊隊長袁思偉賽後表示：「整體又唔算打得好差。我們業餘球隊來到挑戰全部國家隊，所以每一場都要有幾局好好的表現才會贏到，所以整體評價就尚算可以。今次亞運其實最初嘅目標是小組賽贏到兩場。目標贏卡塔爾和贏越南，兩場波都輸1比3係可惜，因為打落或者觀眾睇落都覺得是有得打，所謂嘅有得打同有得贏是兩個層次。我哋可以同佢競爭，唔會被佢「大炒」，但係去到實際贏一場波要需要拿下三個勝仗，在我們來講都仲有少少距離。」

輸在關鍵分的心理質素

隊長又提到港隊與其他對手的分別：「差距就在埋尾幾個關鍵分。其實每一局我們都很少被對手在局中拉開好多，每一局都是最多三、四分。始終可以去到廿幾頭，所以就是打關鍵分個能力、心理質素。同一個球，0比0打或者23比24去打，是完全唔同兩回事。呢個心理質素就要透過多啲實戰經驗去累積。」
餘下的名次賽，袁思偉坦這希望可以勝回一場，起碼在亞運都可以贏到波。