名古屋亞運.空手道形｜洪晧崴擊敗馬來西亞選手奪銅 戰術部署成致勝關鍵
港將洪晧崴於愛知名古屋亞運會，空手道男子個人形銅牌戰以5:0擊馬來西亞選手，為港隊再添一面銅牌。洪晧崴透露於準決賽和銅牌戰起用另外一套拳，戰術部署成功是奪得銅牌的關鍵。
洪晧崴晉身銅牌戰的過程中，先於16強以4:1擊敗南韓選手Hwang Taeyeon，8強再以5:0淘汰蒙古的BADAR-UUGAN Mungulug dulguun。可惜，洪晧崴於4強以1:4不敵澳門的方文浩只能轉戰銅牌戰。港將於銅牌戰以5:0擊敗馬來西亞的Mohamad Haznil Henry，為港隊奪得一面銅牌。
戰術部署成功
洪晧崴滿意自己今天的發揮：「其實對澳門都發揮得不錯，最後呢場決賽直頭我覺得係入晒局㗎啦，我feel到我比上一場對澳門打得更好。」洪晧崴於頭兩場比賽的拳，與準決賽對澳門和銅牌戰是兩套，他指戰術部署成功：「後兩場都係用180，呢個係特別佈置。其實近呢兩年我都相對地較少用呢套拳嘅國際賽場，反而今次係專登用呢套拳，因為佢個氣場、即係個氣勢呀，同埋特別係當我打後方嘅時候、即係打藍方時候，我覺得有更加大優勢。我專登佈置，覺得相對地有機會係可以係打藍方，所以我就可以更加用呢套拳。戰術上絕對奏效。」
港皓崴又談及今年開始有個新例，他說：「我覺得最大困難係，你有些技術上係要迎合佢?，要再練過。好彩是隨著自己經驗愈來愈多，對自己身體愈來愈了解，所以改動作裏面來講都相對地快，可以適應到新?賽制。」
獲隊友劉慕裳提點
劉慕裳在昨日率先落場奪得銀牌，港皓崴指前者有分享場地環境並作出提點：「其實佢(劉慕裳)打完之後我們晏晝一齊食lunch，我不停咁問佢意見，佢都不停提我，你小心邊個位置，地下裏面可能會特別應聲，佢叫我小心啲。同埋我們在戰術上都有再作出調整，即係佢叫我，可能呢啲動作你要忍多少少啦，但嗰啲動作你就可以放膽啲。佢同陪練員都有俾advice我。他們兩個係互相不停咁幫緊我。」
目標取兩牌已達成一半
港皓崴賽前目標希望攞到兩塊獎牌，現在達成一半，坦言現在壓力無咁大：「壓力係會無咁大。加上最主要係落到場攞到個蓆的感覺，我陣間仲可以share俾我兩位隊友聽，大概留意邊度，我們可能要留意邊啲位置，裁判可能會多留意的位置。我們就再作出戰術上調整，對於我來講而家仲有一日半啦，呢個時候作出一個調整，由個人變隊際。」
誓與隊友拿下團體獎牌
港皓崴目標已轉向隊際賽，他說：「絕對係要攞埋第二塊，呢個就係我同我隊友目標，無論係咩情況下都要盡全力去打晒佢。更加係呢刻，因為當我們完個人之後，我要更加去證明俾大家睇我哋係有能力去挑戰兩塊牌。」