名古屋亞運｜未開幕已經開波？港隊三大球提早亮相 焦點賽程一文睇清

雖然第20屆名古屋亞運會要到下周六（19日）才正式開幕，但其實今屆亞運今日（10日）已經靜悄悄地「開波」啦！

今屆亞運首場賽事由男子籃球打頭陣，卡塔爾今早以59:53擊敗伊朗，順利拿下「開門紅」。至於備受球迷關注的香港代表隊，亦會於開幕禮前陸續登場，當中以足球項目的賽程最為緊湊。肩負港隊「打頭陣」重任的香港女足，將於下周一（14日）下午1時硬撼國家隊，隨後在17日下午1時迎戰菲律賓。香港男足則會在16日下午3時首度亮相，分組賽首戰即要挑戰東道主日本隊，面臨嚴峻考驗。

多支香港女子代表隊亦會提早出擊。香港女排將由16日起一連三日，先後與卡塔爾、韓國及越南交鋒；而香港女籃則於17日火併東道主日本隊，力爭打開勝利之門。除三大球項目外，還有曲棍球、手球、臺克球、板球T20和現代五項都會於開幕禮前率先開打。

【港隊開幕前焦點賽程一覽】

9月14日 13:00
香港女足 vs 國家隊

9月16日 09:00
香港女排 vs 卡塔爾

9月16日 15:00
香港男足 vs 日本

9月17日 
09:00 香港女排 vs 韓國
13:00 香港女足 vs 菲律賓
18:00 香港女籃 vs 日本

9月18日 09:00
香港女排 vs 越南