東盟盃｜東盟盃原定9月舉辦惟尚未公布細節 足總總幹事張炎有：有待FIFA公佈

香港主辦的東盟盃D2賽事，原定9月-10月國際賽期舉行，然而倒數一個月依然未有公布任何細節，中國香港足球總會總幹事張炎有今日出席標準流浪季前發佈會時受訪，指正和國際足協緊密進行溝通和合作的準備工作，並表示有待FIFA方面公佈，相信很快便會有細節。

足總有待FIFA公佈東盟盃細節才可再作公佈

足總在6月公佈盧比度擔新任港隊主帥時，一同與國際足協代表公佈香港主辦東盟盃D2賽事，將於9月-10月的國際賽期期間舉辦，然而除了早前網上曾流出的疑似分組名單外便再沒有其他消息，對於東盟盃的細節公佈，足總總幹事張炎有受訪時表示：「因為東盟盃係國際足協主辦，國際足協同我哋都進行緊唔同嘅溝通同合作，公佈日期因為係國際足協主辦，所以都要等佢哋公佈，因為都愈黎愈接近，所以應該都係近期會連同D1嘅賽事一齊公佈，佢哋都希望月底開始賣飛。」

而場地安排方面，張炎有則指希望可以將港隊的賽事安排在啟德，但仍有待國際足協決定：「港隊嘅比賽我哋都盡量要求國際足協可唔可以喺啟德，呢個係我哋一直以黎爭取嘅。（非港隊賽事會喺邊度？）因為你知道場地冇可能一次過負擔咁多場波啦，非港隊賽事我哋會安排喺另外一些我哋一啲符合國際標準嘅球場。」

港超聯VAR覆蓋率約70%

而關於今晚開鑼的2026/27球季港超聯的VAR覆蓋率問題，張炎有表示覆蓋率約七成，他解釋除了資源外亦要視乎球場的配合，而今季亦擴軍至11隊，有機會有一日三賽出現，對VAR的壓力亦很大，因此目前只安排一日兩賽的形式去使用，當然也希望未來可以做到100%覆蓋。

記者/攝影：魏國謙