专栏 Will知足球｜车路士滑落关键系高层？

近几日小弟都有少少身体抱恙，就同车仔嘅成绩一样直线下滑，两场都系输畀白礼顿，一周内被双杀。防线继续不稳，前线进攻能力低，加上伤兵满营，导致而家嘅情况，冬天转会窗嘅失败就系关键因素。

车路士嘅体育总监有两位，分别系云斯丹利同史钊活，而车路士喺刚过去嘅冬季转会窗最需要补充前锋同中坚，结果就系回收返杜利奥查洛巴返嚟。本来一早就想从拜仁收购马菲斯泰尔，但最尾又好似无咗件事咁，而阵中前锋?家伤晒，尼干古又离唔到队，反而祖奥菲历斯就被外借去AC米兰。

最搞笑系罗美奥拉维亚，好早已经知道佢要养伤啦，其实可以收番今季喺史特拉斯堡一路打得好好嘅中场安德利山度士，但球会反而继续买后生仔阿莫古番嚟，而佢又唔可以借出去练兵，因为车路士已经超过咗个外借名额。同时亦都卖走咗意大利金童卡沙迪，原因就系球队无角色啱佢踢，又唔可以借走佢。

马列斯卡话自己细细个睇车路士不停赢波，但?家已经唔一样。玩培训系可以嘅，但都要兼顾到成绩先得，?家真系睇住佢滑落，但完全唔关领队同球员事，咁先系最大镬。Willhappy