摔角｜香港打摔角一樣咁堅咁瘋狂咁玩嘢！

講摔角嘅南韓喜劇《茅躉王》，當年喺香港首映時，係由周星馳配音，大家有冇印象。

呢套戲近日喺香港亞洲電影節特別重映，男主角宋康昊嚟埋香港，仲同星爺聯乘互動，成為網上熱話。

唔理你當摔角係表演抑或運動，如果能夠投入其中，真係好鬼好玩同興奮。美國同日本都有強大摔角文化。香港一樣有人玩，亦有總會辦比賽，9月喺跑馬地香港足球會室內場館，舉行咗一次比賽，除咗展示高超技巧之外，仲古靈精怪乜都有，睇相都知現場有幾high。