【歐聯】「魔獸」起孖威到盡 紅魔奇蹟反勝殺入八強

歐聯16強次回合，「紅魔鬼」曼聯憑藉前鋒盧卡古在上半場梅開二度，加上拉舒福特在補時階段射入12碼，作客3:1巴黎聖日耳門（PSG），兩回合計踢成3:3，紅魔鬼憑作客入球優惠，奇蹟反勝躋身八強。

開賽未及兩分鐘，主隊右閘泰路基拿交「醫院波」，盧卡古見狀即趨前搶截皮球，單刀埋門推過出迎的保方後射入空門，先開紀錄，搶得重要作客入球。巴黎12分鐘隨即由祖安巴尼特遠柱位置輕鬆撞射得手。紅魔30分鐘由盧卡古補射入網，助曼聯再度領先。

換邊後70分鐘，巴黎中場達斯拿受傷退下火線，要由比利時國腳梅尼亞入替；PSG同時以里安度柏利迪斯入替在上半場犯錯導致失球的右閘泰路基拿。

達洛治補時階段在禁區外扣關，皮球省中禁區內派斯奴甘佩比的手部彈出底線。球證原本示意角球，但其後採用視像裁判系統（VAR）翻看比賽畫面，決定判罰12碼。極刑由拉舒福特操刀得手，曼聯最終3:1，兩回合計兩隊踢成3:3，但紅魔鬼因為作客入球優惠而晉級半準決賽。