車Cam｜啟德再有司機逆線衝過路處 6警眼前違規被即時截停

啟德沐翠街晴朗商場外，今年9月曾有七人車司機涉嫌逆線衝過路處危及行人，因涉嫌危險駕駛被警方票控。然而事隔一個月，今日（10月25日）再有車Cam拍攝到另一私家車於相同路段逆線，所幸今次有警員巡經現場，當場斷正截停司機。

網上片段所見，當時車Cam車輛正於過路處前停下，一部紅色Mini從後駛至，懷疑心急隨即抽頭逆線停下。未幾，車Cam車輛繼續前行，這時才見到有至少6名軍裝警員巡經上址，其中3名警員即時截停了紅色Mini，並要求司機駛到一旁接受調查。

片段流傳後引起網民討論，紛紛笑言「師兄呀，你唔好咁癲啦」、「咁多人招呼佢，抵啦」、「之字線不准切線，條友無考過筆試嗎」、「你睇我唔到，你睇我唔到，你睇我唔到」。

警方早前提醒市民，在道路上危險駕駛均屬嚴重交通罪行，對其他道路使用者構成極大危險。根據《道路交通條例》，危險駕駛屬嚴重罪行，違例者最高可被判處罰款港幣2.5萬元及監禁3年，以及停牌最少6個月，市民切勿以身試法。