乖乖女大学毕业唔坐写字楼 「静鸡鸡」转做呢行蓝领工 家长吓坏觉冇面 网民指人各有志反赞有勇气｜Juicy叮
有家长望子成龙，却因面子问题引爆网络大战。近日有人代友诉苦，指朋友的女儿大学毕业后，本来一直做开办公室文职。岂料最近惊觉她竟然「静鸡鸡」辞职，转行去食品厂做包装蓝领工。
家长顿时被吓坏直言「接受唔到觉得冇面」，焦急问点算。不过，帖文引来网民反弹，直指人各有志，反赞女生勇气可嘉。详情见下图及下文：
乖乖女大学毕业唔坐写字楼 「静鸡鸡」转做呢行蓝领工 家长吓坏觉冇面 网民指人各有志反赞有勇气逐张睇↓↓↓↓
瞒家人转做包装工 家长崩溃「觉得冇面」
楼主昨天（15日）在社交平台Threads发帖，指朋友的女儿大学毕业，之前做开办公室文职，但最近朋友惊觉她「唔知几时静鸡鸡辞咗职，去咗做食品制作、包装𠮶啲工」。
帖文引来网民直斥「关你鬼事咩」。楼主回应澄清，指朋友向其求助，他个人觉得「只要唔系犯法靠自己揾钱就得啦」，无奈家长思想传统，「接受唔到觉得冇面」。
对此，有网民直言女生自食其力根本没问题：「佢有返工冇问父母攞钱就由得佢啦！」、「又唔系去偷呃拐骗，有乜问题？」。
网民分析「静鸡鸡」转行心酸真相
另有网民着力剖析女生隐瞒的原因，直言是逼出来的：「知唔知点解佢要静静鸡辞职？因为家人根本唔会支持，讲出嚟只会换来无尽嘅负面情绪⋯」、「子女有自己嘅人生，最怕家长一边帮唔到手，一边又逼子女成就自己嘅虚荣心」。
许多人更加直言，写字楼神话早已幻灭，转行包装明智且有勇气：「其实佢好有勇气，好多人就系怕其他人点睇，唔够胆辞职屈到病！」、「而家好多 Office（办公室）文职得万几蚊，仲要日日 OT（加班），分分钟做蓝领包装人工仲高、又准时收工！」、「Office 工精神压力大到变精神病就手尾长喇！人生短短数十载，不要为唔钟意嘅工而痛苦」。
更有「过来人」现身说法：「我大学毕业做咗1年 Office 唔钟意，最终揾到做 Cafe（咖啡店）冲咖啡做得开心。另一个朋友同样大学毕业，去卖面包一样卖得好开心。只要养得起自己，唔靠屋企就冇问题」。
网民献计以静制动：可能只系过渡期
面对思想传统的家长，网民奉劝给予年轻人空间，并指出转行可能只是过渡期或另有打算：「麻烦尊重下个女嘅选择！你要求佢一时，但跟唔到佢成世㗎」、「做下唔同工种可以识多啲唔同嘅嘢，Office 工一定好好前途咩？」、「会唔会佢想开食品生产工场，去偷师人哋点营运？或者只系骑牛揾马过渡下，人之常情」。
最后，网民建议家长与其一味觉得冇面，不如主动踏出第一步关心并给予时间：「尝试下问下个女，系咪之前工作得唔开心？至少有人关心过」、「绝对赞成以静制动，慢慢先了解才做决定，现在做父母也不容易，但女大女世界，佢嘅人生交返畀佢吧」。
资料来源：sakisaky01＠Threads
相关阅读：