現居公屋再花200萬買舊公屋！39歲港爸揭一原因上車 網民由嘲諷變體諒｜Juicy叮
一位居於公屋的港爸發帖求助，表示打算用200萬港元 購入區內一間38年樓齡的二手公屋，計劃申請九成按揭、分30年還款，他焦慮地擔心銀行申請按揭情況，擔心出現「抬錢上會」的情況，帖文掀起熱議，演變成應否買二手公屋的深入討論。
買舊公屋關鍵不看「樓齡」？網民提「50年擔保期」
該位港爸在facebook群組發問道：「想請教下，我而家住緊公屋，想買區內二手公屋（38年樓齡 200萬，想借九成，30年還款期），申請按揭時銀行會睇啲咩？驚要抬錢上會。」所謂「抬錢上會」是指在買樓申請按揭時，因為銀行的估價不足，買家必須自己額外掏出一筆現金，來填補首期以外差額的無奈情況。
這篇帖文隨即引發網民熱烈討論，對於樓主的「抬錢上會」焦慮，有熱心網民替樓主諮詢相熟的銀行和地產經理，詳細解釋了二手公屋的按揭遊戲規則，指出有些銀行不看樓齡，而是看「首次出售日期」：「幫你問咗銀行同地產經理，佢哋唔係睇樓齡，而係睇首次出售日期，首次出售日期開始計政府擔保50年。」
該位網民舉例，假設層樓於1985年落成，但若「首次出售日期」是2005年，政府的擔保期就會到2055年。他指出，雖然大部份公屋都可以做到30年及半成（5%）首期，但不同銀行的審批尺度不一：「有啲銀行比較保守……佢(指銀行)係會用50年減返剩低可以擔保嘅年份……你只可以按揭29年，但係其他銀行相對寬」，建議樓主多找一些銀行比較，相對寬的銀行「應該可以做到，你要自己問下」。
網民：30年按揭非重點 高齡公屋估價才是大難關
有過來人曾購買二手公屋的網民現身說法，為樓主大打強心針，表示自己兩年前也遇過相同情況，最終順利獲大銀行批出30年按揭：「放心無問題，除非你本身欠人好多錢。」 也有其他網民提醒「除非你自己個底花得好緊要」，否則應該可做做到30年按揭。
不過，有網民亦提醒買二手高齡公屋「估價」才是大關卡，樓主亦在留言中無奈回應，指自己曾向銀行查詢，對方表示「銀行問我當年單位嘅折扣率先估到價」。而對於有網民猜測樓主「你年紀35歲先可以做30年按揭」，樓主回覆表示已39歲，即時彷彿被撥了一頭冷水，因為網民說「39咪做25一26年囉」。
二手公屋值唔值200萬？「買二手公屋係智商稅？」vs「辛苦但自由」
在按揭問題這技術層面以外，討論最激烈的焦點，落在「200萬買38年舊公屋是否值得」的價值觀之爭上。不少網民對此表示對於樓主已住在公屋，何以再斥多達二百萬購買高齡舊公屋表示無法理解，認為買 38年樓齡的公屋根本不划算：「200萬公屋？乜咁貴嘅咩？好大間？以前10多萬元就話啫！」「買二手公屋不如等買一手居屋。」
有網民更挖苦道：「38年公屋，還可以借30年，到時未還完，都拆在啦，邊間銀行會批比你……」甚至有網民尖酸地嘲諷樓主：「一個字，蠢。」、「借9成買公屋？？無法理解。你銀行數不用利息嗎？」
公屋業主力撐樓主上車決定：重點係自己買咗想點整都得
面對排山倒海的「冷水」，有和樓主一樣，已購買二手公屋的網民指出買二手公屋背後是無可奈何的基層生活寫照，有過來人一針見血地道出很多公屋戶的痛點：「我屋企人一樣，一直住緊公屋交千零蚊租，但前年都買咗二手租置公屋，有幾個原因，唔駛再成日每二年審查，好煩，又唔會怕日後資產問題，戶口就算超都自由自在，重點係自己買咗想點整都得，因為舊公屋行明線，好醜樣，買咗可以全改，順眼晒，用錢去換返嚟，辛苦左但自由。」
有其他過來人亦表示，買二手公屋純粹因為「資產審查」已屬富戶：「開始搵多過額，依家啲樓無乜得點升，又唔想買私樓，原因咪就咁。」
樓主親解「住公屋買公屋」原因：本身住緊260呎都冇
樓主隨後亦現身解釋自己的苦衷：「我就係因為個小朋友開始大，本身住緊300尺都冇，先打算買二手公屋。」他透露現時居住空間連260呎都沒有，而「一手樓要抽，啱啱嗰期（居屋/綠置居）都有抽，不過唔中」。
面對其他網民建議「生個新生兒來增加抽中優先權」，樓主也只能苦笑：「唔會考慮依個原因而生多個！」
網民憂維修費及升值潛力
雖然「辛苦換自由」聽起來很勵志，不少網民對於樓主準備購買高樓齡的二手公屋，紛紛提出注意事項，有網民提醒樓主舊樓可能承擔高昂維修費
，舊公屋「十年一次大維修，平時差餉，管理費，還要有人收購你個單位才可以收到錢」。買了之後，單位內部與外牆有任何損壞，「以後有乜嘢事都只能夠係自己出錢搞」。
此外，有網民亦指出「成40年舊屋邨」可能毫無升值潛力，舊公屋即使重新裝修，「舊咗都係唔值錢」，加上管理費、印花稅、律師費等雜費，在市場的吸引力始終不及居屋及私樓。
今年首8個月二手公屋成交增16% 創同期次高
雖然樓主未有提及有意購買的公屋單位的位置，但從房委會「租者置其屋計劃」的資料，全39個租置屋邨中，有近四成約15個屋邨樓齡剛好約38年，部分位處市區交通便利，包括柴灣翠灣邨、觀塘翠屏（北）邨、藍田興田邨等等。
據香港置業研究部的資料，2026年首8個月本港二手公屋（包括租者置其屋計劃等）錄得809宗註冊成交，按年上升約 16.2%，創有紀錄以來同期次高。
目前購買二手公屋主要透過「租者置其屋計劃」或經居屋第二市場（未補地價）入手。在「租者置其屋計劃」方面，現居於39個指定租置屋邨的合資格租戶，可以直接向房委會買入現居單位，或透過回收單位購買。至於居屋第二市場（居二市場），買到的不只二手居屋，也可以是未補地價的二手公屋，持有有效「綠表」資格（如公屋住戶）或「白居二」資格的人士，可在免補地價的情況下，於市場上購買已落成且合資格的二手公屋或居屋。
來源：香港公營房屋討論區(FB版)