蔡天鳳碎屍案｜辯方指鄺港智願賣樓 蔡母：我鬧佢佢先肯
28歲名媛蔡天鳳（Abby Choi）2023年2月疑遭殺害後碎屍肢解，蔡天鳳前夫鄺港智、前家翁鄺球、前夫兄長鄺港傑被控謀殺及阻止合法埋葬屍體罪。案件續審第14日，蔡母張燕花指鄺港智「開頭唔同意（賣樓）」，辯方指2022年10月底鄺港智曾帶鄺球到律師樓打算簽署授權書，顯示鄺港智願意賣樓，張燕花今回應「我鬧佢佢先肯嘛」，曾向對方稱「你要有誠意，你帶你老豆去旺角做個委托書好容易咋嘛」，最後嘆謂「講真，如果佢真係咁有誠意咁我哋今日就唔使喺呢個法庭見喇」。
指鄺港智最初不願賣樓 「我鬧佢佢先肯」
代表鄺港智的大律師安華暉續盤問張燕花，張燕花交代七人車當時以30多萬元出售，海南物業則以300多萬元出售，「全部落咗鄺球户口⋯⋯兌換店落到來攞現金畀姐姐（蔡天鳳）」，賣車所得37萬元經鄺港智廣州友人匯款來港。辯方指出根據張燕花與蔡天鳳2022年10月至翌年1月的微信對話紀錄，當中提及「畀10萬阿駿」，張燕花解釋該10萬元由譚方駿斥資，故如今抵消。
辯方又引述10月22日張燕花發訊指「我有同Alex講⋯⋯你一定要委托書，阿蕭（音譯）先有資格坐埋簽咁多嘢嘛」、「他要是有誠意做，他今晚就聯絡他爸爸，在旺角那裡有律師，做出來非常容易」，張燕花今庭上解釋鄺港智「開頭唔同意（賣樓）」，自己再向鄺港智稱「你要有誠意，你帶你老豆去旺角做個委托書好容易咋嘛」。辯方指10月24日鄺港智曾帶鄺球到律師樓，惟因律師意見才沒有成事，顯示鄺港智願意賣樓，張燕花今回應「我鬧佢佢先肯嘛，姐姐叫佢唔睬佢」，又指「幾百萬你都唔肯攞返來，嗰啲幾千萬點算呀？」
辯方指出鄺港智曾向蔡天鳳建議搬到屯門黃金海岸一帶及掃管笏滿名山，張燕花反駁「鄺港智係冇可能同細路仔住喺哈羅嗰度⋯⋯喺邊度都唔輪到佢話事」，惟又補充指「我真係聽唔到呢啲，佢有咁好死？」
反駁辯方指剪裁證供迎合控方：千祈唔好冤枉我
辯方引述蔡天鳳在訊息中曾以「臭頭子」稱呼鄺球，又指鄺球及鄺港智「相信要來玩嘢㗎喇，這個垃圾球」，然而2日後張燕花卻發訊指「我相信會簽的」。辯方指張燕花母女2人依賴鄺港智說服鄺球來取得授權書，張燕花堅稱「我叫，Abby叫佢唔聽㗎」、「咁我講話要法庭見，咁佢咪肯囉」，罵道「佢老豆係廢㗎，冇權話事你知唔知」，張燕花最後指「講真，如果佢真係咁有誠意咁我哋今日就唔使喺呢個法庭見喇」。
辯方再次指張燕花剪裁證供迎合控方說法，張燕花激動反駁「你千祈唔好冤枉我，我配合警方來調查，咩叫剪裁呀？幾百萬、三十幾萬都唔肯，你重未睇得清楚」。辯方指張燕花不清楚鄺港智與蔡天鳳之間全部溝通內容，張燕花回應「佢溝通我唔知，但我睇到，從一架車海南層樓，幾百萬佢都唔肯，我知道唔肯」。辯方指海南物業售樓所得轉進了鄺球銀行帳戶，張燕花提到「匯返香港係我指定邊個户口，佢知道阿女收咗錢㗎」。辯方質疑下，張燕花指加多利山搬遷到屯門一事，「阿女乜都同我講，我點會唔知道」。
鄺港傑、鄺球、鄺港智同被控1項謀殺罪及1項阻止合法埋葬屍體罪。控罪指3人於2023年2月21日，在大埔汀角路龍尾村56B村屋地下內謀殺女子蔡天鳳，並在2023年2月21日至23日期間，於同地阻止合法埋葬蔡天鳳的屍體。三人否認謀殺罪，鄺港傑及鄺港智承認阻止合法埋葬屍體罪，鄺球則不承認阻止合法埋葬屍體罪。
本案以英語進行，由暫委法官祁彥輝（Brian Keith）審理，控方由外聘資深大律師郭莎樂（Charlotte Draycott）、高級助理刑事檢控專員梁育珩、高級檢控官林曉敏及吳希樂、檢控官尹培軒代表，鄺港傑由大律師Trevor Beel代表，鄺球由大律師戴偉奧(Oliver Davies)代表，鄺港智由大律師安華暉(Andrew Raffell) 代表。
案件編號：HCCC198/2025
法庭記者：陳子豪 黃巧兒