3万蚊龙凤鈪送完要「保管」被拒 奇葩奶奶狠咒阿仔「横尸街头」 网民震惊：亲生定执返嚟？｜Juicy叮
一名自称是奶奶的网民发帖，控诉自己的亲生儿子「反骨无情」，起因竟然是一对价值港币3万元的龙凤金镯，这篇充满情绪性字眼的帖文迅速在网上疯传，至今已累积超过71万次浏览及逾2400个留言，掀起极大回响。
奶奶千字文泣诉：买龙凤鈪送新人 想要回「保管」竟被拒？
这起风波的导火线，源于楼主在Threads上发布的一篇心痛控诉，楼主表示，在儿子结婚时，她买了一对龙凤金镯送给他们。但她事后觉得把金器「摆喺新抱同新抱老母个保险箱入面唔好」，于是「好心」向儿子提议，希望把金镯改放回自己与儿子的联名保险箱：「想叫佢放喺我同佢嘅保险箱等我可以保管返，而且间唔中自己想拎出嚟睇下都得。」
怎料这个提议遭到儿子一口拒绝，楼主顿时大感委屈与愤怒，认为自己辛辛苦苦「供书教学，养到佢咁大」，如今却换来儿子的冷漠对待。她随即在帖文中对亲生儿子展开狂暴的道德审判：「点知我个仔竟然唔肯交返对龙凤鈪出嚟！对龙凤鈪都只系值3万蚊港纸，佢贪钱贪到咁离谱！……正一禽兽都不如！狼子野心！」
最令人匪夷所思的，是楼主自创了一套破天荒的「股权转移逻辑」，她强调，当初送金器时就说过是「畀佢哋两个，唔系净系畀个新抱」，因此理应代表儿子和媳妇各占50%业权。既然儿子有份，楼主便推论：「既然我个仔有份，咁即系我都有份啦。咁我有份，有咩理由唔可以畀我保管？点解我问个仔攞返时，佢居然话龙凤鈪系应该畀新抱？佢有无放我呢个阿妈在眼内？」
网民围剿：你对「送」字系咪有咩误解？
这套「你嘅即系我嘅，我嘅都仲系我嘅」的神逻辑，瞬间激怒了大量网民，纷纷涌入留言区展开炮轰，直斥楼主行为自私、吃相难看。
许多网民首先质疑楼主对「赠送」概念的认知：「请问送咗比佢地之后要比你『保管』返系咩事？仲话可以得闲拎出嚟睇下？……你送咗比你个仔同佢老婆就佢2个架啦，乜撚野叫你都有份？有撚病去睇医生啦唔该！」「你系咪将『送』同埋『保管』呢两样嘢捞乱咗？……自己有份的就唔系『送』，系『借』！」「送出去嘅嘢对方钟意点处置，就算卖返出去或抌咗去都唔到你管，因为咁嘅事就话自己个仔禽兽不如，你都有够恐怖。」
有同为长辈的网民亦现身说法，直言楼主的做法实在太过小家子气：「我都系奶奶，我都娶新抱，又点会得一对龙凤鈪咁少……送咗比新抱又点会攞返转头架，你咩谂法，紧系要佢哋两公婆幸福快乐啦！」「我送一对龙凤鈪及手錬畀儿媳要五万多元，系我做好多个小时嘅人工，但系我都觉得系值得嘅……唔应该咁计较！」
有网民亦忍不住揶揄道3万元的金器根本不算甚么巨款，不值得为此闹得鸡犬不宁：「你真系3万元可以买到一对龙凤鈪？知唔知金价到底几多？」「3万都拎出嚟讲，同埋送得出去就咪帮自己揾借口收返啦。」「原本想懒风趣咁覆曲直难分，但遗憾地我相信真系有咁既奶奶。」
奶奶拒认错反驳网民：我系佢老母！点同呀？！兼咒儿子「天打雷劈、横尸街头」
面对排山倒海的负评，楼主显然毫无悔意，甚至多次在留言区与网民展开激烈的言论交锋。当有网民嘲讽她把「送」和「保管」混为一谈，质疑「送咗俾人嘅嘢想拎返嚟睇咁得意？」时，楼主理直气壮地反击，搬出母亲的至高无上身份企图压制网民：「我系佢老母呀！我点同呀？！无我佢可以生到咁牛高马大嚟顶撞我？我依家连想自己得闲拎出嚟睇下咁微小嘅要求都要话我过份？」
当有年轻网民好言相劝，指出不应该用过去的付出来情绪勒索孩子，并建议她「少啲控制少啲期望」时，楼主甚至留下了令人不寒而栗的极端诅咒：「唔系我黑心呀，佢因住天打雷劈，就算佢还（横）尸街头都无人可怜佢呀！」
这番狠毒的言论让网民彻底傻眼，有网民无奈表示：「究竟边个贪钱啲？」、「为咗对龙凤鈪将个仔闹成咁……我都替你个仔同埋新抱担心。」更有网民戏谑：「你应该庆幸自己咁唔正常都生到个正常嘅仔。」
网民：父母与子女不应沦为市侩利益交易
对于这场惊动网络的「龙凤鈪之争」，部分网民质疑可能一场「新抱反串扮奶奶」或「用嚟测试流量密码」的假胶博流量之作，究竟事件是否真实存在的家庭悲剧，目前仍不得而知，但其中一位网民送给楼主的警世名言却获不少人赞好：「父母疼爱儿女，子女孝敬双亲……彼此心底不该存有一丝一毫『谁欠了谁、谁该感激谁』的念头。倘若付出的一方自觉在施恩，接受的一方又总觉得欠下人情，那么至亲骨肉便与陌路人无异，这份纯粹的亲情，也就沦为市侩的利益交易了。」
来源：Threads