有片｜跑馬地旅巴窄路違規轉彎 交通警開咪「低能嘅咩」喝止獲大讚

網上今日（10月11日）瘋傳一段影片，一輛旅遊巴士在跑馬地載德街涉嫌違規「偷雞」左轉入藍塘道，因車身過長卡在狹窄路口，險些剷上行人路，導致交通大癱瘓。正當進退兩難之際，一名交通警駕「鐵馬」趕至，隨即霸氣開咪喝令旅巴司機後退，更忍不住怒斥：「褪後啦，低能嘅咩！」片段流傳引起網民熱議，紛紛力撐：「阿Sir罵得啱！」

網上片段可見，當時旅遊巴載有多名乘客，沿跑馬地載德街，試圖「偷雞」左轉入藍塘道。載德街一段道路狹窄，交通標示列明禁止超過8米長的車輛左轉，旅巴勉強左轉，險些剷上行人過路處之餘，更導致交通嚴重受阻。

此時，恰好一名交通警駕駛鐵馬駛至，見狀相當勞氣，隨即開喇叭要求旅巴後退並右轉：「上去呀！聽唔聽得明呀，上去呀……褪後啦，低能嘅咩！」其後，交通警更要求司機駛回正確道路後，在較前位置停車接受調查。事件擾攘逾1分鐘，最終旅巴司機「扭幾手軚」，再加上一部客貨車讓位，旅巴才返回正確方向，現場交通亦陸續恢復暢順。

片段流傳後引起網民熱議，紛紛直言「阿Sir好嘢」、「阿Sir罵得啱阿，真係低能」、「旅遊巴一定係無睇牌」、「揸開車、有牌有經驗嘅一定會撐阿Sir」。