抽中全新公屋古雋邨想棄派？港媽列兩大理由 網民翻出「這條邨」前車之鑑｜Juicy叮
一名育有學童的港媽在社交平台Facebook發帖求教，表示自己收到房屋署的配房通知信，首派獲配古洞北新落成的古雋邨雋樂樓，面對這份「新樓大禮」，樓主卻顯得相當糾結，原因在於家庭日常通勤的地理位置極具挑戰。
猶豫是否放棄古雋邨有兩大苦衷
樓主家庭為4人單位申請者。面對這封配房信，要，就要做「開荒新界北」的開荒牛；不要，又怕錯失全新公屋的黃金機會，樓主在帖文中表示：「今日收到派房信，古雋邨唔知要唔要好？小朋友小學屯門返學，我就銅鑼灣返工。兩老住屯門。小朋友暫時唔會轉校，因為唔想佢再習慣過學校生活同埋啲同學仔。請問教一下各位意見，要唔要好」。
令到樓主猶豫是否要放棄古雋邨有兩大苦衷，首先是極端跨區通勤負擔：事主自己在銅鑼灣返工，但獲配的古洞古雋邨位處新界北邊陲，每日往返港島車程極長、交通極為轉折。其次是為子女學業與人際不願遷就：小朋友在屯門讀小學，且兩老亦住在屯門；事主表明「暫時唔會轉校，因為唔想佢再習慣過學校生活同埋啲同學仔」，若由古洞每日跨區送返屯門上學將十分辛苦。
撐新樓派：長遠有鐵路贏晒！「辛苦頭幾年，好過遲啲博到舊樓」
帖文隨即引發大批網民熱議，反應兩極。支持樓主「即刻要」的網民，大多著眼於「全新屋邨」的居住質素以及古洞北未來的發展潛力。有網民直言，公屋「首選必定是全新」，寧願初期交通不便也要搶佔先機：「派樓永遠一定第一手好，派舊樓咁多日久維修問題……派到新落成唔要就笨實啦！」有網民亦勸樓主放眼長遠：「緊係要啦，新樓……你要屯門一陣比舊樓又話舊，好多都40幾年以上，我情願辛苦個頭幾年要新樓。」
不少網民指出，新屋邨的未來鐵路網絡是最大皇牌，認為古洞將設有港鐵東鐵綫古洞站，前景無期：「有鐵路贏哂啦！」、「長遠d望，辛苦頭10年，鐵路旁公屋，政府又話要發展點都有著數。」
對於樓主擔心小朋友返學辛苦，有「過來人」分享經驗，勸樓主遷就長遠生活：「孩子讀書年期有限 (短暫的)，我會考慮其將來的生活圈及工作各方面……(長遠的)，選擇適合自己的就係最好」。
踩新樓派：開荒牛配套極差！「分分鐘車錢時間食肉深」
不過，留言區中反對上樓的聲音同樣有不少，部分網民認為，在交通配套未完善前入住古洞，每日往返屯門與銅鑼灣，簡直是「地獄級通勤」，有經常往返該區的網民直指，現時當地仍是「大地盤」：「我入去送貨送足一年，我諗短時間都係會咁惡劣……最方便就應該返大陸同埋去探監㗎啦」。
有網民為樓主精算返工返學路線，直言「想起來都痛苦」：「入伙時會有車去天水圍，仔仔返學就要去天水圍再轉西鐵……你返工就要坐巴士去上水轉巴士或東鐵，我諗要預一個半鐘。」有網民甚至戲言：「嗰個位真係準備加錢call車。」
網民翻九龍東新屋邨作前車之鑑：新樓不等於好住
有網民以九龍東的新屋邨作前車之鑑，警告「新樓不等於好住」：「好多朋友派咗去保達安達，新樓！結果係出入返工轉車排大隊，叫救命。安達保達就係因為無鐵路連接……住咗幾年交通無改善。」 不過，亦有該邨街坊指只是適應問題，未有鐵路但區內巴士及小巴亦配套完善，未見不便。
此外，有居住在屯門舊區的網民亦反駁，指「成熟舊區一定方便過新開發區」，生活配套與交通早已完善，對需要屯門返學的樓主而言，即使是舊樓也可能比古洞開荒更理想。
另外，有網民亦警告如果樓主放棄這次機會，下次「二派、三派」的命運可能會更差，甚至會獲派新界區出名舊、被俗稱為「屯門三寶」（如友愛邨、蝴蝶邨等）的舊單位：「新界3派中，肯定有一次中3寶的機會，睇你博唔博到最後啫！」
與此同時，樓主「既要新樓、又要屯門、又不想兒子轉校」的種種顧慮，亦激起部分網民的冷言冷語：「問乜呀！嫌呢樣嫌個樣、窮就冇得諗、冇得揀、細佬唔轉校、有本事咪轉工。有錢咪去買私樓揀自己心水！咪阻左人上樓。」
理性網民：親身試搭一次最實際
面對正反兩極的意見，最理性的建議莫過於叫樓主「親自體驗」，不少網民提議樓主趁休息日，帶同小朋友親身由目前的住處出發，模擬一次由古洞返屯門小學及銅鑼灣返工的交通路線，實地感受一下通勤時間與體力消耗，才作出這個影響未來數十年的重大決定，畢竟「派房唔會十全十美的」，最重要是找到最適合自己家庭目前需要的平衡點。
來源：公屋討論區 – 香港facebook群組