食飯「拖數」詐傻扮懵 點樣開口先唔尷尬？ 網民列出優雅追數標準答案 即學「反客為主」最強一招｜Juicy叮
每次聚餐總有「拖數精」詐傻扮懵，如何追數才可以不失禮貌？ 網民熱心獻計列出優雅追飯錢的「標準答案」，當中一招「反客為主」最實用，一句話即令厚面皮「拖數精」慚愧科水。詳情見下圖及下文：
食飯「拖數」詐傻扮懵 點樣開口先唔尷尬？ 網民列出優雅追數標準答案 即學「反客為主」最強一招逐張睇↓↓↓↓
追飯錢點問先唔尷尬？
樓主早前在社交平台 Threads 發文求助，透露每次一班朋友聚餐後，大家都會自覺按照 group（群組）發出的帳單金額，轉帳給負責埋單的朋友。
然而，隊伍中卻總會出現一兩個拖延症末期的害群之馬：「一班朋友出去食飯畀錢埋單，事後喺 group（群組）send（發送）出嚟每人幾錢，大家都會自動自覺過返數畀埋單嗰個朋友，總係有啲朋友遲遲未過數，如何有禮貌又不失尷尬地問朋友過咗數未？」
網民斥詐傻扮懵拖數
不少網民對此感同身受，有人指出：「直接問！點解要兜圈？點解會尷尬？未畀錢嗰個真係冇問題，好似你有問題。」
有網民表示，現今轉數快等電子支付極為方便，拖數根本說不過去。有網民直言：「直接問…而家真係無藉口唔夾返錢…過數太方便。」亦有網民附和，指不少人都是「好多呢啲人嘅，詐傻扮懵」，縱容他們的下場就是「佢就好厚面皮咁同你講聽日畀返你」。
優雅追數「標準答案」
對於樓主苦思的免尷尬追數法，有網民傳授了一招被公稱為最優雅、最得體又能逼人過數的「標準答案」：
「麻煩過咗飯錢畀我嘅，唔該畀返個紀錄我呀！唔係我屈你冇畀唔好意思嘛！😅」
這招「反客為主」的心法在於，表面上扮演「怕自己大頭蝦而冤枉朋友」的貼心人，實際上卻用最客氣的說話，向對方施加無形的道德壓力。
另附兩大實用對策
除了優雅追數，網民亦放出另外兩招好用的實用對抗方案：
✅ 剔號點名法：有網民分享：「打個 name list（名單）出嚟，邊個畀咗錢就加個剔號。」亦有網民簡短示範只需要「打名：✅」。有網民直言自己早已「慣咗做個 list（名單）tick tick tick（剔剔剔）」，用公開透明的剔號列表製造無形壓力。另外亦有網民建議再加辣，不斷 tag（標籤）他再 pin（置頂）。
直接開名 Tag（標籤）人：有網民直言：「點解要有禮貌？佢爭人錢喎。直接開名，「xxx，個個畀晒仲爭你未畀呀」。」亦有網民贊同：「有 group（群組）直接 tag（標籤）佢名叫畀錢，人哋好意思拖數，就唔使畀面佢。」
有網民提醒，追數時若不主動，吃虧的永遠是自己，夠膽開口保障自己才是上策。
資料來源：stillbeaume＠Threads
相關閱讀：