旺角「問路黨」手機「貼面狂隊」疑偷影 網民驚揭內幕：想攞呢樣嘢解鎖？ 即學一招防身術｜Juicy叮
「問路黨」殺入旺角。一名女途人一個月內3度遇上問路怪人，對方強行將手機「貼面式」狂隊，要求幫忙看地圖。機警網民隨即點破恐怖內幕，警告怪人此舉可能是在暗中拍攝，指佢哋係想偷錄「呢樣嘢」，並教路一招最強防身術應對。詳情見下圖及下文：
旺角「問路黨」手機「貼面狂隊」疑偷影 網民驚揭內幕：想攞呢樣嘢解鎖？ 即學一招防身術逐張睇↓↓↓↓
連環問路貼面狂隊手機
樓主昨天（2日）在社交平台Threads發帖高呼「旺角好恐怖」，透露自己「頭先行行下街，有個男人低頭睇住部手機，然後行過嚟問我路：『請問嘉禾大廈喺邊？』然後就將部手機對住我塊面叫我睇」。
樓主仔細一看不禁起疑，因為「佢手機上面嘅地圖，縮得非常小，根本就係可以睇晒半個香港九龍新界嘅比例，咁試問佢剛才到底睇緊乜嘢路呢？」。
更驚人的是，這已是她今個月第2次遇到相同事件，同樣是問「嘉禾大廈」，同樣是將手機強行隊向面部，唯一分別是「今次係男人上次係女人，會唔會係嗰啲騙案呢唔知？」。
騙案恐已遍地開花
就在樓主發帖後僅1小時，她驚魂未定地在留言區更新，指在「一分鐘前！喺一分鐘前！又一個！純普通話，我今次點都唔睇佢手機，直接鬧走佢！」。
不少網民自爆曾經遇過手法極度相似的怪人。有人表示曾在港鐵站遇過一名女子「隊部手機埋嚟，叫我睇下佢自己寫緊文章，之後我走開同打999」；亦有市民透露「上個月係一個 ABC tone（口音）嘅男問我，又係隊到勁埋，但係問嘅地址喺太子」。
更有網民驚險分享，曾被人在街頭截停，聲稱「唔識轉 WhatsApp 個 profile pic（頭像），係咁隊部電話過嚟叫我幫佢轉，我本身有諗住幫，好彩我老公拉走咗我，依家諗返都覺得好奇怪」。
網民點破恐怖動機
面對連串怪人持手機貼面強攻，網民隨即點破恐怖內幕，警告對方根本醉翁之意不在酒：「我反而諗點解佢要用手機對住你塊面？會唔會係想拎你 Face ID，然後用啲科技嘢入侵你電話？」
亦有網民直言，對方極可能藉著貼面的一刻偷錄面相特徵：「佢哋已經影咗你個樣，將來很多 App 用面容識別 login（登入）」，一旦面部特徵被記錄，手機及銀行保密防線隨時崩潰，騙徒手法層出不窮令人毛骨悚然。
網民傳授防身術
針對這類貼面怪招，網民紛紛整理出實用的街頭防身守則。有人叮囑面對陌生人遞上手機時必須緊記：「唔好掂佢部機、唔好拎佢部機」。
若遇到對方強行貼面，最簡單直接的防身法就是「即刻遮住自己個樣」或者「直接話我自己有 Google Map （地圖）推開佢手機」，甚至像樓主最後一次一樣「點都唔睇佢手機，直接鬧走佢」。
亦有大量網民力撐最有效的防護裝備就是口罩：「戴口罩、即刻遮住自己個樣」、「出街都係戴返個口罩安全啲」。樓主事後亦恍然大悟表示，原來戴口罩遮住個樣，令對方無法拍攝面相，對方自然不會湊上前糾纏。
面對層出不窮的行騙伎倆，不少網民不勝唏噓，慨嘆騙徒濫用善心：「香港人嘅同情心咪就係咁樣消磨晒！」
資料來源：hohoyanncom＠Threads
相關閱讀：