車CAM直擊│大圍貨車險衝燈撞途人 網民:爭啲就打保齡喇！

今日網上流出一段車CＡＭ片段，地點為大圍一行人過路燈位，影片開初時為黃燈的燈號，行人紛紛在過路處等候「綠公仔」，其後轉為紅燈，為數逾十名行人踏出馬斑線過路，惟有行人行到一半，竟有一部貨車衝向過路處，嚇得過緊馬路的行人全部「窒步」，一名女學生剛踏出第一步便嚇得停下，猶幸千鈞一髮之際，貨車緊急煞停，未有撞向途人，否則後果堪虞。

當時馬路上有十多名行人過路，包括背著書包的數名學生，有返工男女，無不對貨車的衝路感愕然，他們邊行邊怒視貨車，直至過完馬路。影片結束時，車燈仍是紅燈，未有再見貨車衝燈。

有網民留言指責貨車司機的行為，又自言曾經歷過類似的生死時速。「大圍依個位經常性都係咁，依家真係過馬路，就算轉左（咗）人仔綠燈都要打醒十二分精神，望一望清楚先好過，經常性好多司機都係衝燈/或者睇咗下一支燈，已經差啲死過幾次。」有網民亦指「爭啲就打保齡喇！你應該影到佢車牌嘅，交俾1823啦。」