將軍澳居屋神級「避坑指南」 綠表港男$500萬尋三房 列20屋苑求指教 好心街坊逐個精準點評｜Juicy叮
一名綠表準業主手持 $500萬預算，想在將軍澳尋找一個「不淋雨落港鐵站」的三房居屋安樂窩，列出區內 20 個屋苑名單求指教。大批熱心街坊化身地產代理，逐一精準點評協助避雷，寫成了一份將軍澳居屋神級「避坑指南」。詳情見下圖及下文：
將軍澳居屋神級「避坑指南」 綠表港男$500萬尋三房 列20屋苑求指教 好心街坊逐個精準點評逐張睇↓↓↓↓
樓主：寶盈花園方便但太貴
樓主昨天（18日）在社交平台 Threads發帖，稱想以綠表在將軍澳區尋找一個不用淋雨落港鐵站的三房居屋單位，並坦言「我都知寶盈花園方便，唔使淋雨落地鐵站，但三房太貴，我都想 $500萬買到三房」。
樓主一口氣列出區內近 20 個屋苑名單，自言自己不太懂分辨，只好發帖求教「邊啲性價比好？最好唔使淋雨？搵綠表 5m（500萬） 三房」。他及後補充指「居屋計將軍澳真心幾好」，更表示如果這區買不到，「可能就睇埋藍田油塘」。
網民排雷：太舊做唔足按揭
帖文一出，有做開居屋的經紀現身排雷。該經紀直指 $500萬買三房，首先要「諗下使唔使做九成 30 年按揭先，如果要嘅話太舊會做唔足」。他坦言寶盈花園「一定過呢口價」，其他有些則是超過預算或位置不便。更有網民直指，唐明苑現階段「應該 out 筆（超預算）」，彩明苑同樣「應該 out budget」。
網民點名英明苑與欣明苑因樓齡快 40 年直接出局；安寧花園與頌明苑則被提醒「好多鴿，小心揀」。至於富康花園雖近單車公園兼消費親民，但有街坊提醒「近年樓下變咗街市咁，衛生狀況麻麻」。
半山屋苑首選「避坑」對象
綜合網民意見，半山屋苑是首選「避坑」對象，有人指康盛花園「冬天凍死你，打風最食風，夏天非常熱」，基本上只適合養老。
不過，有由英明苑搬上康盛花園的街坊直言，如果想慢活同空氣好一定選康盛，更驚喜表示：「搬咗上山之後我無咗鼻敏感，係吊腳但夠靜同舒服。英明苑係方便嘅，但我如果再選擇都會係康盛。」
街坊嚴選高性價比名單
排除萬難後，一眾街坊交出了「唔使淋雨」的心水名單。將軍澳站的廣明苑及寶明苑被讚旺中帶靜，行去港鐵站雖要時間但「唔使淋雨」，且有尚德商場與巴士總站，出九龍只需半小時。街坊指兩者格局保養差不多，「想平啲就選寶明」。
有過來人亦指「唐明苑隔離就係將軍澳中心、PopCorn……康盛都比較入同吊腳」。
坑口站的顯明、煜明、裕明與和明苑同樣「有瓦遮加商場駁去地鐵站」，值得樓主考慮。有去年以白居二買入和明苑的網民指「買嘢方便，唯一就係大部份都係連鎖商店消費比較貴，不過最緊要舒服」。
另外，茵怡花園被點名讚落雨有遮擋，但網民提醒「單位窗台佔咗唔少實用面積，呢個要諗」。至於彩明苑，網民指有兩房一套兼連接港鐵上蓋物業都會駅，「行去地鐵站如果唔落雨行馬路 6 至 7 分鐘，唔使淋雨」。
至於樓主覺得太貴的寶盈花園，依然有網民力撐「寶盈最好，雖然貴，但真係值」。
資料來源：master_seven_paint＠Threads
相關閱讀：