油塘男童「自殺式」衝出馬路被撞傷 網民：快一秒佢就去咗

油塘發生男童「自殺式」衝出馬路險死意外，昨（17日）午4時許，一名9歲男童在鯉魚門道沒有按燈號指示衝出馬路，企圖一口氣橫越兩盞燈五條線，結果一輛密斗貨車收掣不及驚險擦撞，男童腰部及手指受傷，負傷折返安全島躺下，臉露痛苦神色，途人發現報警送院。

現場在鯉魚門道與高超道交界一處行人輔助線燈口，片中男童身穿短運動衫褲及紅色波鞋，他在等轉燈期間，眼見對面汽車有一段隔離，突然衝出馬路，跑至安全島時還不止步，企圖一口氣衝過五條線，最終險成輪下之魂。

當時一輛橙色密斗貨車駛至，不料男童忽然衝出，右邊車身將他撞倒，男童被貨車擦撞倒地，身上物件飛脫，他檢回後負傷返回安全島，先坐後躺，狀甚痛苦，駛至的車輛緩緩而過，其後一名男途人走近男童查問，有途經司機坦言：「貨車差啲撞死佢」。

警方表示，昨午4時25分，一輛貨車駛至鯉魚門道近高超道交界時，撞到一名9歲男童，他手指受傷及扭傷腰，清醒送院。

事件引起網民熱議：「屋企人唔教，就死路一條」、「好彩佢望到架車停一停，如果唔係一定拜拜」、「冇死到真係好彩」、「咪就係啲咁嘅父母唔睇住個仔，害死啲司機囉」、「快一秒佢就去咗」。