18歲女學生大肚7週「月入$8000想生仔」！網民質疑「地獄開局」 後續心碎決定引熱議｜Juicy叮

一名年僅18歲的懷孕女學生昨日（13日）發文向網民求教「點樣養一個小朋友」，透露自己與男友每月兼職收入合共僅得數千元，引發網民熱烈討論。

兩口子兼職月入僅數千 18歲女求救：對養BB好迷惘

該名18歲女事主在網上發文透露，自己目前懷孕7個星期，BB爸爸現年21歲，兩人目前仍在求學階段，平日僅靠兼職打工賺取生活費。她在文中坦言：「我同BB爸爸都考慮緊生，但係我哋仲讀緊書，有返pt。我一個月2000-3000左右，BB爸爸一個月3000-5000左右。」

面對突如其來的新生命與未知的前路，事主坦承「對養BB好迷惘」，因此硬著頭皮發文「想請教下各位早生嘅爸爸媽媽點樣養一個小朋友」，更自知條件不足，在文末附上求饒符號寫道：「希望Ｘ輕力D」。

網民群起算經濟帳：月入8000蚊生仔「天崩開局」？

面對女事主天真的提問，網民反應近乎一面倒，質疑兩人毫無責任感，嘲諷他們的家庭條件對即將出世的生命極度不公，大量網民直呼這是「天崩開局」、「8000蚊，香港生仔，地獄開局」。

不少網民直接為兩人列出現實經濟帳，指出連最基本的生理需求都無法維持：「8000蚊你連尿片奶粉都唔夠比，仲要養埋自己」、「一個月一罐奶粉閑閑地都300-400，一個月起碼食3-4罐，一個月5-6包尿片都150-200……幾千蚊，劏房都租唔到」、「出去照個結構同做T21都已經洗晒你地兩個份糧」。

有網民直言：「連點樣養一個小朋友都要上公海問，2個人加埋7-8千都無，即係連自己都未顧得掂，仲要帶條小生命嚟受苦！貪一時之爽害咗小生命一生」。

過來人沉痛勸世：「貧賤夫妻百事哀」

在一片爭議聲中，亦有不少過來人與人母現身說法，分享早育的慘痛代價，一位接近50歲的過來人感嘆，自己同樣在18歲懷孕生產，當時另一半亦是21歲：「望返轉頭，捱咗好多苦，你可以選擇就考慮清楚。唔好相信男生話會點照顧你，男生21都未玩夠，真正有責任心唔貪新鮮嘅男人萬中無一，而家諗得好美好，一步步走來真唔容易。」

亦有單親媽媽道出殘酷現實：「男人係信唔過，佢永世係人哋個仔，但係佢永世都唔係你可以依靠嘅人……女人一但冇經濟能力，下場係唔會好過。」

其他網民則理性分析，指出未成熟的伴侶關係在經濟重壓下極易崩潰，正所謂「貧賤夫妻百事哀」，兩人如果沒有「四大長老」（雙方父母）在金錢與時間上的全方位支援，盲目生下小孩只會讓大人與小孩一同陷入漫長的絕境。部分網民亦勸勉事主若面臨難關，應及早聯絡家計會、母親的抉擇或社會福利機構尋求專業援助。

峰迴路轉忍痛止蝕 事主自白：唔想佢受苦

面對洶湧而來的現實巴掌與輿論壓力，女事主在發帖數小時後再度發文，交代了最終決定。她表示認真聽取了大家的意見後，決定終止懷孕：「聽大家嘅意見，我哋都係決定落咗佢，再為佢做身後事。」

她在文中流露自責與無奈，寫道：「因為始終都係生命，我哋都想自己負返責任，但係之後比唔比到好嘅環境佢，我哋都未知。我都寧願殺咗佢，都唔想佢係呢個世界受苦。多謝大家嘅回覆。」

來源：Threads