私補阿Sir上門必借廁所「開大」兼四圍彈 全家善後「阿媽抹到好絕望」 網民齊獻奇招拆彈｜Juicy叮

有網民發文大呻其私人補習男導師每次上門，必定會在屋企借廁所「開大，」更屢屢將廁所弄至慘不忍睹，家人要善後，「阿媽抹佢啲屎抹到好絕望」，引發大批網民瘋狂熱議。

堂堂上門「爆石」彈到全廁板　阿媽抹屎抹到極絕望

事主在社交平台Threads上發文求救，直言每次補習都宛如一場「廁所保衛戰」：「救命我個私補阿sir成日上嚟屙，仲要彈屎彈到成個廁所板都係」。

由於該名阿Sir「爆石」的頻率高得驚人，事主笑稱其「到訪次數已經多到每逢佢上嚟之前，我同我阿媽都會估佢今次會唔會屙」，而每次事後殘留的污跡更讓全家人飽受折磨，令事主不禁直呼：「我阿媽抹佢啲屎抹到好絕望，點解可以咁屙得。」

面對如此誇張的衛生問題，不少人都好奇為何不直接解僱對方，事主其後再發文道出兩難之處，坦言：「其實諗過炒嘅，但係佢又教得幾好，又驚如果炒咗會難搵到個教得好過佢嘅，同埋佢屙完會補返時間，再加上我見佢次次都係好急咁衝入廁所，唔知係咪真係就快瀨屎。」一邊是難得的教學質素與負責任的補時態度，另一邊則是每次下課後全家要面對的「殘局」，令事主陷入兩難局面。

網民：「屙屎無罪」 自律與教養最關鍵

帖文引來網民瘋狂轉發與按讚，短時間內更突破一萬個讚好，讓事主驚呼：「wtf一萬like係咩事，大家真係咁鍾意屎？喂阿唔好再like啦好恐怖。」

針對阿Sir每次上門都要急著如廁的情況，不少網民認為人有三急在所難免，腸胃問題亦非個人能完全控制，直言：「屙屎唔係問題，bowel movement嘅嘢有時冇得控制，但用完廁所交翻個點嘅場俾人就完全係自己可以掌控。」

有網民更指出這純屬個人教養與衛生意識問題，表示「教得幾好都係咁話，冇品囉，整污糟人哋屎坑點都要跟手整番乾淨啩」，並奉勸事主「職場第一教條：Clean up the shit you made (literally)」。

有網民亦從健康角度出發，猜測阿Sir可能患有腸易激綜合症（IBS）或屬於緊張性腹瀉體質，「可能佢本身腸胃唔多好，特別有腸易激嘅人經常要去廁所」、「會唔會你呀sir係個啲緊張就條腸狂郁嘅體質」，甚至搞笑建議事主在中秋節「送盒益生菌俾佢代替月餅」或請他飲益力多調理腸胃。

離奇撞款疑同一人？網民齊獻拆彈奇招

有趣的是，帖文更意外引出多位有類似慘痛經歷的苦主，有網民留言驚呼：「懷疑同一個阿Sir…年幾前補過一個阿sir又係次次上嚟都爆石(教maths) 方唔方便dm講」、「我之前個數學補習老師都係咁，仲要屙到有漬抹都抹唔到」，隨即引起其他網民大玩「食字」爆笑追問該名導師「到底係教maths定mat屎」。

為了協助事主解決困境，網民紛紛獻計提供各種解決方案，在教學模式方面，有網民建議直接「轉場去外面補，starbuck、m記，etc」、「轉zoom上堂」或到屋苑會所補習。

有網民則建議從心理戰著手，在上課前向對方訛稱「今日冇廁所水」、「馬桶壞咗」，或者在上課前先在洗手間使用大量漂白水，以強烈氣味勸退阿Sir。

此外，不少網民鼓勵事主鼓起勇氣正面溝通，直接向阿Sir表明「可以借廁所，但希望用完清潔返乾淨」，甚至在洗手間內準備好清潔用品及馬桶刷供其使用，既不用撕破臉炒人，亦能守護屋企廁所的整潔。

來源：Threads