有片︱黑超男搭霸王的士 謊稱「落一落車」去如黃鶴 遺失效信用卡呃$200車費

今日（25日）社交平台Facebook流傳一則帖文及數段影片，顯示一名男子懷疑搭「霸王的士」。片中所見事發於周日（23日）下午5時13分，一名戴太陽眼鏡、黑色鴨舌帽及白色口罩的男子，在屯門掃管笏登上一輛的士，上車後他向1女司機表示先前往天水圍天佑苑，然後再到元朗，並指示對方行駛元朗公路。

惟當的士抵達天水圍後，黑超男聲稱「落一落車畀啲嘢朋友再去下站」，並表示留下一張信用卡，着女司機在閘口附近等他。女司機一度要求對方先付款才落車，並問及對方有否現金，惟黑超男卻表示：「你喺度等我咪得。」女司機猶疑再問：「如果（閘口）無位呢？」黑超男卻說：「一定有位，閘口嚟。」

最終黑超男下車後一去不返，女司機發現對方留下的信用卡未能過數，顯示信用卡「已過期」失效，方知「中伏」，被騙約200元車資。

網民紛紛替司機不值，直斥黑超男「有備而來」、「遮晒自己個樣都早有預謀」、「真X街，辛苦錢都呃」、「兩舊水值唔值呀 親戚朋友一定認到 呢件事一定講足一世」。有網民建議司機「報警啦，擺到明呃人」，又指「信用卡都可能係偷人哋嘅」。