公屋首派秀茂坪 港媽帶細路睇樓呻似難民營「全程未笑過」 網民一句KO：買私樓囉｜Juicy叮
公屋輪候獲派市區樓理應開心過中六合彩，不過，有網民在社交平台卻大吐苦水，指自己首派獲分配秀茂坪的公屋單位，但由於小朋友在深水埗區上學，令她大感苦惱，更發文求問：「今日收到房暑第一派秀茂坪，不知交通方不方便，小朋友返學係深水埗。都唔知要定唔要？」言論瞬即引發網民熱烈討論。
實地睇樓踩到盡 狠批單位似「難民營」
原以為只是一般的交通考量，但樓主其後再留言表示，親身帶同家人實地視察後，反應卻極為強烈。她形容單位環境惡劣，甚至拋出震撼字眼：「今日帶家人入去睇過，成個鐵籠好似難民營又潮濕，兩個小朋友見到全程都未笑過，慘過比老師點名批評。真係要不過。全港係唔係剩下呢棟鐵籠屋？」這種將市區公屋比喻為鐵籠屋及難民營的說法，令事件瞬間升溫。
街坊苦口婆心勸轉校：「讀書幾年，住幾十年」
對於樓主的抱怨，一眾網民的反應兩極。有熱心街坊指出，秀茂坪其實四通八達，更提供實用交通資訊，指有巴士214線可以直接前往深水埗，車程約四十五分鐘。
另外亦有過來人強調，居住環境比短暫的求學階段更重要，語重心長地建議樓主為小朋友轉校。有網民直言讀書都係幾年，住就幾十年，小朋友適應力強，無謂為幾年小學而放棄市區靚位。有住在該區的街坊網民亦指出，樓主獲派的可能是早期設計的雙子塔井型單位，雖然設計較舊，但周邊商場街市其實一應俱全。
公屋資源珍貴 樓主惹火言論辣㷫網民 遭群起圍剿：買私樓囉
另一方面，大批網民對樓主「嫌三嫌四」的態度感到極度不滿，毫不留情地留言炮轟。有網民諷刺她要求過高，直斥如果覺得不滿意大可以「買私樓」，直言想住邊區自己揀。有網民甚至嘲諷問她會唔會考慮唔要個小朋友。
面對樓主的猶豫，不少苦候公屋多時的網民紛紛使出激將法，大喊「有猶豫就唔好要喇，留返畀更有需要嘅人」，並笑指樓主大可以等二派深水埗澤安邨，甚至反諷叫她去租私樓。不少網民又表示，機會不等人，放棄這次首派，下一次隨時被派到更偏遠的地區，到時恐怕就真的欲哭無淚了。
來源：公屋討論區 – 香港facebook群組