车cam直击｜深水湾女童冲出马路 幸司机及时急煞 网民闹爆：睇好小朋友唔系架架车收到

本港屡有幼童乱闯马路酿成意外。网上流传一段惊险的车Cam影片，记录一辆白色私家车沿香岛道慢驶，至深水湾泳滩公厕对开时，一名身穿白衫的女童突然冲出马路，幸私家车及时煞车，否则后果堪虞。

片段显示事发时间为今日（16日）上午10时53分，当时泳滩已有多人嬉戏晒太阳，路上亦有多车行驶。白色私家车及时急煞后，女童犹有余悸慢慢退回行人路，其家长随即冲上前拖紧女童。尾随白色私家车的司机目击整个过程，不断发出哗哗声，直斥：「个𡃁妹咁冲出嚟飙出马路，呢啲真系要闹呀！睇住佢冲出嚟呀！」

发帖的网民大赞白色私家车司机反应敏捷，「又一单父母冇睇住小朋友、小朋友直冲出马路，好彩司机沿途揸车都好安全，救咗妹妹又救咗自己」。影片曝光后随即引来大批网民留言，不少人惊魂未定，亦有人斥责家长未有好好看管女童，「司机功德无量」、「唔好害人呀，睇好小朋友，唔系架架车都收到」、「政府应该立法要任由细路或带住佢冲马路要告父母虐儿罪」、「好彩前车唔快」。