27岁港男家道中落做保安 惨遭旧同学嘲笑 挨足3年遇「高人」指点 终辞职宣告「转做一事」｜Juicy叮
一名因家道中落而投身保安行业3年的27岁港男，近日在网上自爆入行以来的酸甜苦辣。他透露在当值期间不但惨遭中学同学偷拍嘲笑，更经历过日夜班颠倒的身心折磨，幸而在工作期间遇上「高人」指点，终下定决心辞职宣告「转做一事」。详情见下图及下文：
27岁港男家道中落做保安 惨遭旧同学嘲笑 挨足3年遇「高人」指点 终辞职宣告「转做一事」逐张睇↓↓↓↓
家业破产投身保安 遇旧同学遭偷拍嘲笑
楼主今天（7日）在社交平台Threads以「保安」为题，细诉自己27岁便做了3年保安员的感想。
楼主先分享自己入行的无奈背景：「本人疫情之前屋企做饮食行业生意，因为疫情期间生意唔好屋企破咗产，跟住自己又冇学历，唔知做乜咁就𠮶阵时就去咗考保安牌结果啱啱开始就踏入咗保安呢个行业。」
他忆述自己上班的遭遇：「大约2023年暑假左右啦，第一份工就系一个十二码（12小时一更）早班商场喺深水埗当时人工仲系好低，𠮶阵时做保安撞到自己啲中学同学真系好尴尬，仲俾啲中学同学偷拍我揼咗上群组𠮶啲，第一份保安我返咗两个月左右就冇做了。」
其后，他转为夜班，却发现是一场身心折磨：「之后都系做咗一段时间嘅夜班炒散保安，夜班保安同日班保安分别系差好远，夜班基本上冇嘢做，但系就有夜班嘅辛苦精神压力好大，日日都瞓唔好，搞到自己皮肤变得好差。」
日班遇有楼阿叔阿姐
楼主及后转回日更，生活才重回正轨：「后面转返日头，返咗一段时间日头住宅保安，日头虽然体力上会辛苦啲，但系时间会过得充实啲同埋每日瞓觉都早睡早起有个生理时钟习惯惯咗。」
在日班工作期间，他接触到了截然不同的人与事：「同日班𠮶阵时同同事倾偈都叫做多咗，反而夜班好少同同事有任何交流因为返夜班个个都好大部份躁底（包括我自己返夜班𠮶阵时唔知点解谂嘢系特别多负能量），唔系几想讲嘢，反而日头同同事相处会好啲，跟住都了解咗好多日头嘅同事，亦都遇到呢种后生过我嘅，甚至遇到一个19岁女大学生过嚟做炒散，有啲甚至系已经喺香港有物业嘅叔叔阿姐，佢哋都畀咗啲人生经验畀我。」
当被网民问到：「有冇做过公屋盘？」楼主坦言自己没有公屋经验，住宅经验只限于特定地段：「冇，住宅经验净系做过港岛区豪宅同埋九龙站地铁盘。」
楼主直言，保安这份工作其实也有意想不到的两大优势：第一、起薪点高且请人容易：「做保安好处，保安嘅起薪点比一般行业都要高（最高做过日班住宅$24,000一个月，商场散工$1000一日），有啲冇乜经验都有两万蚊一个月，同埋容易揾到容易请人。」
第二、时间充裕且年轻晋升快：「尤其是做夜班你会多咗好多时间，好啱𠮶啲读紧书过嚟做炒散𠮶啲，会好多时间畀你温书，我做夜班𠮶阵时都用夜班嘅时间去研究美股𠮶啲。返日头就基本上冇乜自由时间，但系时间会觉得充实啲，同埋后生升职机会好大，好容易就升到副IC（副主管）或者IC（主管）位。」
楼主：难适应其他工
不过，楼主指：「因为保安做太久你真系做返其他行业系好难适应。我啱啱转行冇几耐，都仲未习惯到，做其他工都会觉得好辛苦。」楼主续指：「同埋保安呢行就系卖时间，高人工𠮶啲通常十二码返十二码，就基本上等于冇咗好多时间少咗同朋友倾偈嘅时间，同现实中嘅朋友会疏远咗，返8、9个钟𠮶啲人工基本上又太低。」
他更在文中大吐在恶劣天气下需要加班的辛酸：「仲有一样坏处要补充返，就系恶劣天气都要返工包括十号风球，如果返工期间10号风球基本上要OT（加班），最高试过连踩18个钟。」
网民：不要介意别人眼光
看到楼主的挣扎与无奈，有网民留下温馨的鼓励，劝他不要介意别人的眼光：「今时今日有份工自给自足不偷不抢已经值得尊敬，唔需要太理会其他人睇法，当然，趁后生学一门手艺都系好事，你会多咗选择。」
楼主：趁年轻学多啲手艺
这番暖心的安慰获楼主认同，他随即留言回复道出自己的长远规划：「我就系咁谂，我想趁年轻学多啲手艺，老咗再做返保安。」这也促使他做出了决定：「后面我决定唔再做保安了，因为我觉得自己仲未30岁，之前都系揾一门手艺去学。」
资料来源：eric_liu19991011＠Threads
相关阅读：