元朗貨倉起火濃煙密佈 遠處清晰可見 網民：成個元朗南都係煙

今日（26日）下午5時許，元朗白沙山路一個傢俬貨倉發生火警，冒出大量濃煙。消防接報趕抵，出動2煙帽隊及2條喉射水撲救，於傍晚6時41分將火救熄。火警中3人自行疏散，消防亦協助1人離開。據了解，起火位置為一個30米乘30米貨倉，消防正調查起火原因。

火警發生期間，現場冒出陣陣濃煙，多名網民表示白煙漫延至元朗市中心，遠處清晰可見，甚至連天水圍的居民亦聞到燒焦味，「唔怪得咁臭，而家好似成個元朗南都係煙」、「煙都去到元朗市區」。